“Ўзбекнефтгаз”: “Сомонтепа” сиқув компрессор станциясидаги газтурбинали двигатель Чехия давлатида капитал таъмирланмоқда
“Ўзбекнефтгаз” АЖ Бошқаруви раиси Меҳриддин Абдуллаев топшириғига асосан нефть ва газ қазиб чиқарувчи бошқармаларнинг ишлаб чиқариш қувватини тиклаш ва сиқув компрессор станцияларни барқарор ишлатилишини сифатли ҳамда ўз вақтида таъмирланишини йўлга қўйиш борасида қатор чора-тадбирлар амалга оширилмоқда.
Ушбу чора-тадбирлар доирасида Муборак нефть ва газ қазиб чиқариш бошқармаларининг “Сомонтепа” сиқув компрессор станциясидан 1 дона
“Taurus 70” русумли газтурбинали двигателини Чехия давлатининг
Жебрак шаҳридаги “Solar Turbines” компаниясининг таъмирлаш базасига
“ONS Frankfurt GmbH” компанияси ва “Ўзбекнефтгаз”АЖ ўртасида имзоланган шартномага асосан капитал таъмирлаш учун юборилган эди.
“Сомонтепа” сиқув компрессор станциясининг асосий вазифаси, “Сомонтепа” газ конидан паст босимли табиий газларни самарали қазиб олинишига эришиш, шунингдек бошқармани табиий газ қазиб чиқариш буйича режа кўрсаткичларни сезиларли даражада оширишга хизмат қилади. Республикамиз истеъмолчиларига табиий газни барқарор ва узулуксиз етказиб берилишига узининг катта ҳиссасини қўшади.
Газтурбинали двигатели “Solar Turbines” компанияси базасида тўлиқ деталларга ажаратилиб, дефектация жараёнларида иштирок этиш мақсадида “Ўзбекнефтгаз” АЖ нинг мутахассислардан иборат ишчи гуруҳ Чехия давлатининг Жебрак шаҳрига етиб боришди.
Ишчи гурух “Solar Turbines” компанияси базасининг иш фаолияти билан яқиндан танишиб, газтурбинали двигателларни капитал таъмирлаш вақтидаги техник жиҳатдан мураккаб бўлган текшириш, ҳисоблаш, йиғиш, созлаш ва синов жараёнларини қизиқиш билан ўрганиб чиқди ва “Solar Turbines” компанияси мутахассислари билан тажриба алмашилди.
Мутахассислар томонидан дефектация жараёнига тайёргарлик ишларини синчковлик билан ўрганиб чиқилди. Газтурбинали двигателни тўлиқ қисмларга бўлиш ва қисмларни ишга яроқсизларини аниқлаш ҳамда материалларини махсус лаборатория таҳлилидан ўтказишга учун юбориш ишларида иштирок этилди.
Шунингдек “Ўзбекнефтгаз” АЖ, “ONS Frankfurt GmbH” ва “Solar Turbines” компанияларининг мутахассислари билан биргаликда дефектация ишларидан сўнг газтурбинали двигателни капитал таъмирлаш ишларини сифатли ва ўз вақтида бажариш бўйича якуний музокара ўтказилди.
“Ўзбекнефтгаз” АЖ Матбуот хизмати
#нефть#газ#энергия#скважин#инвестиция#добыча#углеводород#экономика#завод#нефтебаза#қудуқ#кон#иқтисод#аёқш
|web-sayt|facebook|instagram|telegram|vk.com|YouTube|twitter|