“Ўзбекнефтгаз” делегацияси Нидерландияда ўтказилган конференсияда иштирок этди
Американинг "Honeywell" компанияси таклифига биноан, “Ўзбекнефтгаз” АЖ ходимлари Нидерландиянинг Гаага шаҳрида ўтказилган 33-йиллик “Honeywell Users Group (HUG) EMEA” конференсиясида иштирок этди.
“Empowering change, securing tomorrow” (“Ўзгаришларга куч бериш, эртанги кунни хавфсиз таъминлаш”) шиори остида бўлиб ўтган конференсия нефт-газ саноатида технологик ўзгаришларни амалга ошириш, хавфсиз ва барқарор ишлаб чиқаришга ўтиш, илғор рақамли ечимларни жорий этиш масалаларига бағишланди. Тадбир давомида рақамлаштириш, сунъий интеллект ва хавфсизликка қаратилган инновациялар асосий муҳокама мавзуси бўлди.
Конференсия доирасида ишлаб чиқариш самарадорлигини ошириш, операцион хатарларни камайтириш ва активларни оптималлаштиришда сунъий интеллект ҳамда рақамли эгизаклар (дигитал тwинс) технологияларидан фойдаланиш масалаларига алоҳида эътибор қаратилди.
“Ҳонейwелл” экспертлари билан бўлиб ўтган учрашувлар икки томонлама ҳамкорликни мустаҳкамлаш ва янги лойиҳаларни белгилашга хизмат қилди.
Бугунги кунда “Ўзбекнефтгаз” АЖда рақамли трансформация жараёнлари изчил амалга оширилмоқда. Қазиб чиқариш ҳажмини ошириш, бизнес жараёнларини автоматлаштириш, аналитик тизимларни ривожлантириш ҳамда операцион жараёнларда шаффофликни кучайтириш мақсадида сунъий интеллект билан боғлиқ лойиҳалар босқичма-босқич жорий этилмоқда.
Ҳамкорликни давом эттириш мақсадида жорий йил ноябр ойи охирида Тошкент шаҳрида "Honeywell" мутахассислари иштирокида қўшма семинар ўтказилиши режалаштирилган.
