Talabalar va korxona xodimlari o'rtasida o'quv seminar

Bugun "O'znaslchilik" Davlat korxonasida Samarqand veterinariya va meditsina instituti Toshkent filiali "Zooinjeneriya" fakulteti 1-bosqich talabalari hamda korxonaning xodimlari ishtirokida o'quv seminari bo'lib o'tdi. Seminarda "O'znaslchilik" Davlat korxonasi direktor o'rinbosari Ne'mat Qobilov so'zga chiqib, korxonaning bugungi kundagi faoliyati, uning tarixi, naslchilik va chorvachilikdagi ish jarayonlari hamda korxonaning veterinariya sohasida qo'shayotgan hissasi haqida nutq qildi.

Shuningdek, korxonaning katta zootexnigi Oybek Rizayev hamda Institut o'qituvchisi Alisher Ergashevlar qoramollarni sun'iy urug'lantirish usullari va naslli buqalarni parvarishlash hamda zotdor buqalarning xususiyati to'g'risida atroflicha fikr bildirishdi. O'quv ma'ruzalaridan keyin, talabalar korxonadagi zotdor naslli buqalar bilan tanishdilar va ular haqida ma'lumotlar berildi.

Seminar so'ngida talaba yoshlar hamda korxona xodimlari o'rtasida qizg'in savol-javoblar bilan o'quv amaliyoti yakunlandi.