Психологдан бир ривоят
Бир инсон ўз ҳаёти хақида мулохаза қиларкан, ўзига ҳисобот берибди. Мен нима қилдим?, - дебди у ўзига. Мен ҳақиқатни қидирдим. Мен дунёда Ҳақгўй бўлдим!
- Ҳақгўйлик қилиб, нималар қилдинг?, қандай қилиб Ҳақиқатга эришдинг?, - деб сўрашибди ундан инсонлар.
- Ҳақиқат муқаддас китобларда ёзилган, - деб мен кўп китоб ўқидим, мен Ҳақиқатни ўқиб тушундим, деб жавоб берибди Ҳақгўй инсон.
- Мен бу ўқиганларимни инсонларга етказдим, мен кўп дунё кездим, ҳаммага Ҳақгўйлик қанақа бўлишини тушунтирдим, дебди бу инсон.
- Одамлар сени тушунишдими? Ҳақгўйлик нималигини муқаддас китоблардаги билимларни тушунтирганингда нима бўлди?, - деб қизиқишибди инсонлар.
- Мен у исоналарга қанчалик разилликларини айтганимда улар мен билан уришиб кетишарди. Мен уларнинг қанчалик гунохкор эканликларини айтганимда мени ёмон кўриб кетишарди. Мен уларнинг қанчалик умрларини зоя қилишаётганларини атганимда мен билан жанжаллашишарди. Мен эса Ҳақиқатни айтиш учун улар билан урушишга ҳам тайёр эдим. Мен уларнинг қанчалик гунохкорликларини айтиб тушунтирганимда, жанжаллашишга ҳам рози эдим. Хақиқатни билдиришим учун хаммасига тайёр бўлганман, - дебди бу Хақгўй.
- Сен уларни гунохкорсан, - деганингда, разилсан, - деганингда, қабихликда уларни айблаганингда Сен Ҳақгўймидинг?, - деб савол беришибди инсонлар. Сен бирор марта ўша гунохи бор деб ўйлаган инсонларингни, ўша разил деб ўйлаган одамларни, қабих деб номлаган бахтсизларни яхши кўриб, мехр бериб кўрдингми?
- Қанақа қилиб гунохкорни севиб бўларкан? Қанақа қилиб разил инсонларга меҳр бериб бўларкан? Қанақа қилиб бахтсизларга ошно бўлиш мумкин деб ўйлайсиз? Қани ҳақиқат?, - деб яна уришиб кетибди Ҳақгўй.
Сен бир инсонни гунохкорсан, дейишдан олдин Ҳақиқатни Хақнинг ўзигина билишини тушунмадингми? Сен разилсан, деганингда ўша инсон сендан меҳрли сўз кутганлигини билмадингми? Сен бахтсизсан, деганингда сен уларни яхши кўриб, бахтли қилишинг Ҳақиқат эканлигини англамандингми?
Ҳақиқатга уришиб эришиб бўлмайди. Ҳақиқатни тушунтириб бўлмайди. Ҳақиқат - бу мехр, бу кечириш, бу севиш.
Ҳурмат ила - Зебинисо Аҳмедова