Роналду Месси билан яна тенглашиб олди

“Ювентус” ҳужумчиси Криштиану Роналду Италия А Сериясининг 20-турида “Кьево”га қарши баҳсда пенальтидан унумли фойдалана олмади.

Бу португалиялик футболчининг фаолиятидаги амалга оширилмаган 25-пенальти бўлди. Натижада Роналду азалий рақиби — Лео Месси билан бу борада тенглашиб олди. Иккала футболчида ҳам 25 тадан амалга оширилмаган пенальтилар бор.

Роналду фаолияти давомида 108 та 11 метрлик жарима зарбасини амалга оширган бўлса, Месси 139 та пенальти тепиш имкониятга эга бўлган.