«Барселона» яқин вақтлар ичида янги трансферини эълон қилади

«Аякс» яримҳимоячиси Френки де Йонг «Барселона» таклифига розилик берган.

Marca манбаси маълумотига кўра, де Йонгнинг агенти футболчининг қарорини «Пари Сен-Жермен», «Манчестер Сити» ва «Ювентус»га етказган.

21 ёшли футболчининг трансфери учун «Барселона» 75 млн евро тўлайди.

Бугун, 23 январь куни каталонлар клуби вакиллари Амстердамга учади ва трансферни расмийлаштириш учун охирги ишларни амалга оширишади.

Бундан аввалроқ, голландиялик футболчи «ПСЖ»га ўтишни истаётгани, парижликлар клуби президенти Носир Ал-Хелайфи ҳавбекни сотиб олишни ёки унинг трансфери «Барселона» учун максимал даражада қиммат бўлиши учун ҳаракат қилиши айтилганди.

Де Йонг Эредивизиянинг жорий мавсумида 15 ўйинда иштирок этиб, 3 гол урган.

Бундан аввалроқ «Барселона» «Сассуоло»дан мавсум якунида сотиб олиш шарти билан Кевин Принс Боатенгни ижарага олганди.