Терминал счётнинг обороткасини 1Сга қандай кўрсатамиз?

Навбатдаги мақоламизни бошлаймиз. Ўтган галдаги мақолани ёзганимдан сўнг, кўпчиликда терминал счётининг обороткасини қандай кўрсатамиз унда деб кўп саволлар келди. Бугун шунга нуқта қўйсак.

Банк-клиент дастуридан обороткани олиш

Демак, биринчи навбатда, банк клиентга кириб ҳар бир 23508 ёки 23510 счётларимизнинг обороткасини банк-клиентдан тортиб оламиз. Ўтган сафар айтганим каби, агарда банк клиентда 23508 ёки 23510 счётлар мавжуд бўлмаса, у ҳолда банк ходимига мурожаат қилиб, банк-клиент дастурига ушбу счётларнинг акс эттирилишини сўраш керак. Баъзи банкларда бу битта телефон орқали ҳал қилинсада, баъзибир бюрократ банклар учун фирменний бланкада ёзма равишда мурожаат қилиш керак. Агар шунақа ҳолат бўлса, ҳеч иккиланмасдан pm.gov.uz сайти орқали мурожаатни юборинг. Результат моменталний бўлади.

1-РАСМ. Банк-клиент дастурида терминал счётларининг кўриниши

Навбатдаги қадамда, мисол тариқасида 23510 - 200 счётнинг оборотини 01.01.2021 йилдан 31.01.2021 гача сформировать қиламиз.

2-РАСМ. 23510-200 Хумо терминал счётнинг январ 2021 йил учун ҳисоботи.

Ушбу ташкилот компьютер воситаларни тузатиш ва лицензион антивирус сотиш фаолият турлари билан шуғулланади. Тепададаги обороткада кўриш мумкинки, январь ойи учун атиги 2та операция бўлган: 60 000 сўмга Касперский антивирус дастурининг лицензиясини ва 40 000 сўмга компьютер воситасини тузатиш хизматини амалга оширган. Энди шу амалларни 1С дастурига акс эттирамиз.

1С дастурига терминал счётни акс эттириш

Аввалам бор 1С дастурига барча терминал счётлар учун банк счётларини очишимиз керак бўлади. Бунинг учун Предприятие - Организации - Керакли ташкилот танланиб - Перейти - Банковские счёта операцияни амалга оширамиз.

3-РАСМ. Банк счётларини 1Сга қўшиш

Тепадаги расмда ташкилотнинг банкдаги ҳисоб рақамлари кўрсатилган. Ҳисоб варақаларни киритишда ўзига хос услуб қўлланилган бўлиб, бу ерда счётнинг баланс ҳисобварақ рақами, калит ва тартиб рақами кўрсатилган бўлиб, банкнинг МФОси ва счётнинг маъноси киритилган. Ушбу услуб ташкилотда ҳисоб варақалар кўп бўлганда ишни осонлаштиради.

Энди 2-расмда кўрсатилган 1чи операция банк орқали киритамиз. Бунинг учун Банк - Банковские документы - Добавить - Платежный ордер на поступление денежных средств - Оплата от покупателя операцияларни бажарамиз.

4-РАСМ. Банк випискасининг тўлдирилиши

Документ очилганидан сўнг дата, банковский счёт тўлдирилади. Плательщикда шартли равишда очилган АХОЛИ деган контрагент ва договор жойида Публичная оферта қўйилади. Қолгани одатдагидай тўлдирилиб, Записать ОК тугмалари босилади.

5-РАСМ. Банк документининг проводкаси

Энди 2-расмда кўрсатилган 2 ва 3чи операцияларнинг документларини яратамиз. Иккинчи операция Перевод на другой счёт орқали тузилса, 3чи операция Прочее списание орқали расмийлаштирилади.

6-РАСМ. Терминал счётдан асосий счётга пул ўтказилиши

7-РАСМ. 6-расмнинг проводкаси

8-РАСМ. Банк хизматининг ечилиши

9-РАСМ. 8-расмнинг проводкаси

Тепадаги ҳамма операциялар платежный ордер орқали расмийлаштирилади, чунки бу операцияларга бизнинг дахлимиз йўқ ва бу операциялар барчаси автоматик тарзда бажарилади.

Мана шу ерга бир нарсага эътибор қаратишимиз керак. Кўпчилик бир счётдан иккинчи счётга пул чиққанда, ўзи 1та бўлган операцияни 2 марта киритишади. Бу эса хато. 7-расмга эътибор берадиган бўлсак, пул ҳам 5530 счётга, ҳам 5110 счётга акс этмоқда. Асосий счётнинг обороткасини киритишда, терминалдан келган пулни АКС эттирмасдан ўтиб кетишимиз ШАРТ бўлади!

10-РАСМ. Банк журманли

2-расмнинг 1С дастуридаги кўриниши юқорида кўрсатилган каби бўлади.

"Условный" очилган АХОЛИ контрагенти қандай қилиб ёпилади?

5-расмда кўрсатилган проводкани кўрадиган бўлсак, 6310 счётда АХОЛИ деган контрагентда пулимиз аванс тариқасида осилиб қолмоқда. Хўш, энди буни қандай ёпамиз? Жавоб жуда оддий: реализация товаров и услуг орқали. Эсингизда бўлса ташкилот касперский антивирусининг лицензияси сотади ва компьютер техникасига хизмат кўрсатади. Ушбу операцияларни ойнинг охирида 1та РТУ орқали ёпиб юборса бўлади ёки кунлик операцияларни кунлик қилса ҳам бўлади. Кимга қандай қулай бўлса шундай ишлайди.

11-РАСМ. Ахоли контрагентига қилинган реализация

12-РАСМ. 11-расмнинг проводкалари

Январ ойида ташкилот жами 260 000 сўм АХОЛИга пуллик хизмат қилган. Шулардан 60 000 сўмга лицензия сотган бўлса, 200 000 сўмга хизмат кўрсатган. 12-расмда кўрадиган бўлсак, 6310 счёт тўлиқ 4010 счёт билан зачёт бўлган. 4010 счёт ўз навбатида 90 счётлар билан зачёт бўлмоқда. Талаб қилинган натижага эришилди.

Сўнги сўз

Шундай қилиб терминал счет нега 5711 эмас ва уни нега 5530 счёт билан юритиш керак ва уни қандай ёпиш керак тўғрисидаги саволга тўлиқ жавоб бердим деб ўйлайман. Агарда саволлар қолган бўлса, канал тагидаги комментировать жойига ёссангиз, яқин вақт оралиғида жавоб беришга ҳаракат қиламан. Қолаверса, кейинги мавзуни танлаб берсангиз ҳам ўшанга мақола қилишга ҳаракат қиламан. Хайр, саломат бўлинг!