«Егер күйеуі әйелін өзіне қажетпен шақырса, оған дереу келсін, тіпті әйел пештің алдында тұрған болса да».

Талқа ибн Әлиден риуаят етілген хадисте: «Егер күйеуі әйелін өзіне қажетпен шақырса, оған дереу келсін, тіпті әйел пештің алдында тұрған болса да». Хадисті әт-Тирмизи жеткізді.

Мулла Әли әл-Қари әл-Ханафи әл-Матуриди «Мирқату әл-Мәфәтих шарх Мишкат әл-Масабих» (хадис нөмір: 3257) кітабында хадистің түсіндірмесінде айтты:

«(«Аллаһ Елшісі ﷺ: «Егер күйеуі әйелін өзіне қажетпен шақырса) яғни, бұл жердегі «қажет» сөзі жыныстық қатынасты меңзейтін метафора, (оған дереу келсін) яғни, шақыруына жауап берсін, (тіпті әйел пештің алдында тұрған болса да) яғни, пешке нан салып, ол піскенше басқа ешнәрсеге қолы тимей тұрса да. Ибн әл-Мәлик айтты: «Бұл жерде айтылған нан – күйеуінің ақшасына сатып алынған және күйеуі үшін пісіріліп жатқан нан. Егер күйеуі әйелін дәл осындай жағдайда шақырса, нан күйіп кетсе де, ол (күйеу) өз мүлкінің зая болуына разы дегенді білдіреді. Өйткені мал-дүниенің шығыны – күйеуінің (көз зинасына немесе) нақты зинаға түсуінен жеңілдеу». (Хадисті әт-Тирмизи жеткізді) және ән-Нәсәи жеткізді. Әл-Бәззар Зәид ибн Арқамнан мына сөзбен жеткізді: «Егер күйеуі әйелін төсекке шақырса, әйел түйенің үстінде отырса да жауап беруі керек».

Қосымша мына жерден оқи аласыз.