B
@babalena
0 Followers
0 Following

Дело Зизания 2

Мы же паки рехом ему: У тебя в книге, Лаврентии, написано в вопросе: Чим убо разньствует един от другаго Божия составы, сиречь лица? Твой ответ написан: Отец разделен есть от Сына и Духа Святаго изволением. А вси богословцы исповедуют во Святей Троице едину воле, и мы тако веруем вси православные христиане. И Лаврентий рече: И аз тако верую. Едину волю во Святей троице, а то все от переводчика. А я де та ко(в)ы речи не писал. И укрой Боже всякаго православнаго так писати. Да в тойже книге его написано о страсти Христове яко сама плоть умре и погребена бе. По соединению же Лица есть еже состава Бог умре и погребен бе, понеже образ Слова во плоти бысть. Еже умре по истинному рождению Божества, Слово сниде с Небеси не плоть, по рождении же человечества плоть умре, а не Слово. А по соединении Лица, еже есть состава, и Слово умре и погребено бе. И они убо отвещаша ему: То убо ты, Лаврентии, и Божеству с плотию страдал(и), глаголеши. Он же рече: Тако глаголю, понеже по соединении состава страдала плоть, страдало и Божество. Тии же реже: Не глаголи убо сего, Лаврентие, еже с плотию страдати Божеству. Сие убо Арии и прочии еритицы глаголют. Нас православных христиан да сохранит Господь Бог от таковаго злаго начинания. Лаврентии рече: Аз то вем сегоже вы не разумеете, что есть по составу соединение. И тем соединением страдати глаголю Божеству и Человечеству. Мы по ревности веры с яростию глаголахом: Сего л мы не разумеем по составу соединения Превечное Слово Божие на последок времен воплотитися от Пречистыя Девы Марии, и тема стекшемася двема, и родися един состав Христос. И то есть по составу соединение Бога и Человека сиреч во единном составе совершен Бог, совершен Человек. Тако ли глаголем толи по составу соединение? Лаврентии рече: Тако еси. Сего ради и пострада Бог с плотию понеже во едином составе. Мы же паки глаголахом ему: Не пострада Бог с плотию? Лаврентий рече: Не пишет ли тако что Бог родися, Бог на земли явися, Бог со человеки пожеве, Бог пострада, Бог погребен бысть, Бог воскресе? Мы же реком ему: Пишет, но не тако, якоже ты глаголеши, но прос(то) пишет родися родибося первое от Отца иже прежде век всех, якоже от солнца свет, тойже паки в лета от Пречитстыя Девы Марии родися плотию, и с человеки поживе, и пострада плотию, а воскресе Божество. Аще Бог пострада и погребеся, ктоже во ад сниде и оттуду праведных души от руки диаволи свободи, и кто смерть разруши, и диавола связа? Ты убо глаголеши: Бог пострада. Аще Бог пострада, то все Божество пострада. Пострадали Сын, пострада Отец и Дух Святый, неразделно бо есть Божество Святыя Троицы. Ведай, яко невозможно есть с плотию страдати Богу, но плотию. О Божественною бо плотию страдати Бог нас ради и нашего спасения изволит есть. Лаврентий рече: Да чтоже или разлучилося вы мните тогда Божество от соединения по составу, егда Христос страсть претерпе, Бога ради не смущайтеся и ведайте истину. Еже неотлучно было Божество от плоти, егда Христос пострада? Мы же паки вещахом ему: Мы утвержени есмы на основании Божественных словес апостальскаго учения и святых и богоносных отец. А смущатися нам неоткуду, всегда Церковь Божия внушает нам и учит, что плотию Бог пострада, а Божеством безстрастен пребысть и неотступен. Непрелагаемо бо воплотися от Пречистыя Девы Марии и неизреченно и есть не описан по церковному гласу. Глаголет бо ся: во гробе плотски во аде же сошедшею яко Бог, в раи же с разбойником и на престоле сый Христе со Отцем и Духом вся исполняя неописанный.

Дело Лаврентия Зизания

В лето 7135 (1623) февраля в 18 день