Цифрландырылған қарым-қатынас

Онлайн-танысу индустриясын не табысты етеді

Цифрлық технологиялардың арқасында қарым-қатынас жасау мүмкіндіктері едәуір кеңейді. Танысу сайттарында пайдаланушылар өздерін өмірлік жұбын немесе романтикалық қарым-қатынас үшін серіктесін іздеумен шектемейді. Бұл ресурстар әлеуметтік желілер ретінде пайдаланылады, онда пікірлестермен араласып, бірлескен жобалар жасап, жай ғана көңіл көтеруге болады.

Тренд және перспективалар

Онлайн-танысулар 1990 жылы интернет дами бастаған кезден танымал бола бастады. Сол кезде әлеуетті серіктесімен байланысу үшін американдықтарға премиум-класс телефон желілерін пайдаланып, олардың қызметтері үшін минутына $3 төлеуге тура келді. 1995 жылы Стэнфондтың түлегі Гэри Кременнің ойына жұп іздеу үшін арзан сервис құру идеясы келді. Осылайша Match.com (MTCH) пайда болды, ол әлі күнге дейін мамандандырылған сайттар арасында алдыңғы орынға ие.

2020 жылдан 2023 жылға дейінгі онлайн танысулардың жахандық нарығы жыл сайын 6%-ға өсіп отырды. Сектордың кіріс мөлшері бойынша үздік 5-тікке АҚШ, Қытай, Германия, Ұлыбритания және Франция кіреді. Research and Markets болжамы бойынша 2030 жылға қарай нарық көлемі $13 млрд. асады.

2024 жылы жасалған SSRS Opinion Panel Omnibus есептеулері бойынша 30-49 жастағы америкалықтардың 50% жуығы және 18-ден 29-ға дейінгі 56% танысу сайттарына барады. Азияда осы сервистерді пайдаланушылар санының неғұрлым белсенді өсуі күтілуде, бұл демографиялық ерекшеліктермен байланысты: өңірде әлем жастарының шамамен 60% -ы тұрады.

Онлайн танысудың танымалдығы бірнеше себептерге байланысты. Ең алдымен бұл уақыт тапшылығымен байланысты, әсіресе, қалада тұратын, өмірінің көп бөлігін жұмыста немесе жолда өткізетін адамдар. Бұдан басқа, мұндай байланыстар жалпы алғанда қауіпсіз болып келеді. SSRS мәліметтері көрсеткендей, америкалықтардың 60% -ы солай деп есептейді. 2024 жылғы жағдай бойынша, АҚШ-та ересектердің жартысы желі арқылы байланысып, қарым-қатынас жасайтыны белгілі болды, ол серігін іздеу үшін цифрлық платформалардың маңыздылығын артуы мен тиімділігін растайды.

Алғашқы – мәңгілікке ма?

Бүгінгі күні негізгі бәсекелестік күрес Match Group секторындағы (Tinder, Plenty of Fish, Match.com, OkCupid, Hinge, OurTime, Meetic, Pairs, Hawaya, BLK, Chispa және Upward біріктіреді) және Bumble (BMBL) оның жаһандық Badoo қосымшасы көшбасшылары арасында туындап отыр.

Visual Capitalist есептеуінше, Tinder американдық онлайн танысу нарығының 25%, Bumble – 24%, Hinge – 18%, Plenty of Fish – 7%, Badoo – 4% алады. АҚШ-тағы Match Group сервистерінің жиынтық үлесі шамамен 50% -ды құрайды. Алайда, бұл сегменттегі күштердің орналасуын дәл анықтау қиын, себебі пайдаланушылардың бір бөлігінде бір сервисте бірнеше бейін бар және көпшілігі екі немесе одан да көп ресурстарда тіркелген. 350 млн тегін және 25 млн ақылы жазылушыға бағаланған және жаңа мобильді пайдаланушылар есебінен өсіп келе жатқан жаһандық аудитория туралы айтуға болады.

Қазіргі заманғы танысу сервистерінің позициялау ерекшеліктері бар. Мысалы, Hinge және eHarmony – бұл маңызды қарым-қатынас үшін, ал Tinder және Badoo – түрлі мақсаттармен танысу үшін қызметтер. Алайда қарым-қатынас мәселесінде мақсатты топтарды нақты бөлуге болмайды, себебі адамдарда бір мезгілде қарым-қатынас жасауға бірнеше себеп болуы мүмкін. Мысалы, SSRS сауалнамасы бойынша, респонденттердің шамамен жартысы маңызды қарым-қатынас орнатуға қарсы емес адамдар, алайда уақытша танысудан да бас тартпайды. Бұдан Tinder, Badoo және Bumble сияқты әмбебап сервистердің аудиториясы неге көп екені түсінікті болады. Олардың танымалдығы коммуникациялардың ұсынылып отырған форматына ғана емес, тегін функциялардың санына да байланысты болуы мүмкін. Мәселен, Hinge қосымшасының сұранысқа ие болуының ықтимал себептерінің бірі - шексіз лайк қою мүмкіндігімен байланысты.

Адам қарым-қатынасын монетизациялау

Әріптестерді іздеуге арналған барлық қосымшаларда коммерцияландырудың жалпы қағидаттары (пайда алу тәсілдері) шамамен бірдей. Көбі ақылы жазылым ұсынады, ол әңгімені бастауға, шексіз лайк қоюға және т.б. мүмкіндік береді. Кейбір сервистер сауалнамаларды басып өту (свайп) аралығында жарнаманы көрсетеді.

Танысу сервистері жарнама кірістері туралы мәліметтерді айтпайды, бірақ жарнама берушілер үшін Tinder ең тартымды болып көрінеді, оның 60 млн-нан астам белсенді пайдаланушылары және 9,6 млн ақылы жазылушылары бар, сондай-ақ Bumble-де – тиісінше 58 млн және 2,8 млн.

Жазылым өсу әлеуетін сақтайтын монетизациялаудың негізгі құралы болып қала береді, себебі қазіргі уақытта ақылы пайдаланушылар аз ғана пайызды құрайды: Tinder аудиториясының 16%, Bumble және Hinge – шамамен 5%. Бұл компаниялардың түсімінің шамамен 80% мобильді қосымшалар жасайды.

Алтын тамыр ма әлде көпіршік пе?

Онлайн танысу сервистері 2019 жылы әлемдегі әрбір бесінші жұп мобильді қосымшалардың көмегімен танысқан кезде қарқынды жүрген болатын. Интернеттің осы сегменті үшін күшті өсу драйвері пандемия кезеңі болды. 2020-2021 жылдары әлем карантинде болғандықтан, қарым-қатынас интернетке толығымен ауысты. 2021 жылдың қыс мерзімінде Bumble IPO-сы өткен уақыт ең сәтті уақыт болып саналады. Сауданың бірінші күнінде компанияның капиталдануы $13 млрд-қа бағаланды, бірақ содан бері $660 млн-ға дейін құлдырады. Интернет-танысудың ұлы болашағына сенген инвесторлардың жолы болмады. Match Group акциялары да жоғары көрсеткіштен 85% -ға төмендеді, алайда екі сервисті пайдаланушылар саны үнемі артып келеді, ал интернет арқылы серіктестер іздеу әртүрлі жастағы және әлеуметтік тұлғалар үшін қалыпты жағдайға айналды. Танымал қосымшалардың түсімі өсуде, бірақ бұрынғыдан әлдеқайда баяу. 2024 жылы ол Bumble-да 2% ж/ж, ал Tinder-де 1,1% -ға ғана өсті.

Statista есептеулеріне сәйкес, орташа алғанда, ересек америкалықтар жасына қарамастан, онлайн танысуға күніне шамамен 50 минут жұмсайды. Бұл күнделікті тегін свайп лимитін таңдауға қажет уақытқа сәйкес келеді.

Танысу сервистеріне жазылуға және сатып алуға жұмсалатын шығындар айына орта есеппен $20 деп бағаланады. Таяу болашақта іздестірудің жаңа технологияларын енгізбей олардың құнын көтеру мүмкін емес.

Сваха 3.0

Онлайн-танысу индустриясындағы перспективалы инновациялардың бірі – жасанды интеллект. Виртуалды көмекші пайдаланушының сұранысы негізінде қарым-қатынас жасауға қолайлы үміткерлерді ұсына алады немесе басталған әңгімені әрі қарай жалғастыруға көмектеседі, себебі көпшілігі үшін бұл байланыс орнатудың ең күрделі кезеңі болып келеді. Шетелдіктермен қарым-қатынас жасау үшін ЖИ-аударма қызметі өте қажет.

Алғашқы жеке ақылы сервистер пайда болды, онда тек ЖИ арқылы сөйлесуге болады. Осындай ресурстардың бірі – Replika. Оны кез келген уақытта сөйлесуге болатындығы мен кепілді қолдау сөздері үшін 12,7 миллионнан астам пайдаланушысы жақсы бағалайды.

Индустрияны дамытудың тағы бір бағыты – басқа әлеуметтік сервистермен біріктіру. Әзірге бұл процесс баяу жүріп жатыр, себебі онлайн-танысу оның алдында әлеуметтік тұрғыдан қолайлы болды. Мысалы, Facebook өзінің танысу сервисін тек 2019 жылдың соңында ғана іске қосты және ол әлі де 3 млрд. аудиториясы бар базалық әлеуметтік желімен ықпалдастырусыз мобильді қосымшадағы жеке тармақты білдіреді.

Танысу сервистері ешқашан адамдардың өздерінің идеалды жұбын табуына шынымен мүдделі болмаған деген болжам бар. Ондай жағдайда олардың барлығы офлайн режиміне кетер еді, ал мұндай ресурстардың иелеріне адамдардың жұбын іздеуі мүмкіндігінше ұзаққа созылғаны тиімді. Мүмкін, ЖИ-шешімдер кездейсоқ іздеу жүйесін өзгерте алады және компаниялар адамдар қуана-қуана төлейтін сервистерді ұсына бастайды. Өйткені, бұл өмірде өз жұбын табу – бұл біздің әрқайсымыз үшін өмірдегі ең маңызды нәрсе.

• Келесі мақала «Джей Ротпен сұхбат (VENU)»
• Алдыңғы мақала «Ойын арқылы білім алуға»
• Мазмұны