"Шўртан ГКМ" МЧЖда 40 ёшгача бўлган ходимлар ўртасида "Мустақиллик кубоги-2023" мини футбол турнири бўлиб ўтди
Шўртан газ кимё мажмуасида соғлом турмуш тарзини тарғиб қилиш, оммавий спорт турларини ривожлантириш, қолаверса цех, хизмат, тармоқ ва бўлимлараро жамоавий муҳитни янада яхшилаш мақсадида ҳамда Мустақиллигимизнинг 32 йиллиги байрами муносабати билан 40 ёшгача бўлган ходимлар ўртасида спортнинг мини футбол тури бўйича "Мустақиллик кубоги-2023" турнири бўлиб ўтди.
Дастлаб мутасадди ходимлар ва турнирда иштирок этиш истагида талабнома тақдим этган мажмуанинг турли хил цех, тармоқ, хизмат ва бўлимларидан ташкил топган 16 та жамоа иштирокида қуръа ташлаш маросими бўлиб ўтди ва жамоалар тўрт гуруҳга сараландилар.
Муросасиз баҳслар ва қизиқарли вазиятлар остида ўтган гуруҳ босқичи ўйинларидан сўнг турнир жадвали қуйидагича кўриниш олди:
Гуруҳ баҳсларида юқори очко тўплаган жамоалар, чорак финал ва ярим финал баҳсларида бор куч-ғайратини ишга солган ҳолда финал йўлланмаси учун беллашдилар.
Якунда барча босқичда рақибларини бирин кетин мағлуб қилган Автотранспорт билан таъминлаш хизматининг "Автотранспорт" жамоаси биринчи ўринни, "Қаршитермопласт" цехининг "Термопласт" жамоаси иккинчи ўринни, Буғ газ ҳаво таъминоти цехининг "БГҲТ" жамоаси эса учинчи ўринни эгалладилар.
Мусобақа якунига бағишланган тадбирда "Шўртан ГКМ" МЧЖ Бош директори Шухрат Асланов сўзга чиқиб, мусобақа кўтаринки руҳда ўтганлигини алоҳида таъкидлагани ҳолда ушбу турнирда иштирок этган ва ташкилий ишларда кўмаклашган барчага ўз миннатдорчилигини билдириб ўтди.
Мусобақа якунига бағишланган тадбирда мажмуа маъмурияти ва Касаба уюшма қўмитаси томонидан ғолиб ва совриндорларга ташаккурнома ва пул мукофотлари топширилди.
Шунингдек ушбу мусобақада бир қанча номинациялар бўйича ғолиб ва совриндорлар ҳам тақдирландилар:
Турнирнинг энг яхши ўйинчиси - Тўрақулов Санжар - Автотранспорт билан таъминлаш хизмати;
Турнирнинг энг яхши дарвозабони - Мустафоев Зохид - "Қаршитермопласт" цехи;
Турнирнинг энг яхши ҳимоячиси - Муродов Маъруфжон - Полиэтилен ишлаб чиқариш цехи;
Чемпионат тўпурари - Жорияқулов Элнур - Буғ газ ҳаво таъминоти цехи.
Мусобақа ва тақдирлаш маросимидан фотолавҳалар:
