"Шўртан газ кимё мажмуаси" МЧЖда "Брейн-ринг" интеллектуал шоусининг навбатдаги беллашуви бўлиб ўтди
"Шўртан газ кимё мажмуаси" МЧЖда ишчи-ходимларнинг ижтимоий фаоллигини янада ошириш, уларнинг бўш вақтларини мазмунли ўтказишларини таъминлаш ва ўз иқтидорларини ҳар томонлама намоён этишига имконият яратиш мақсадида ҳар йили анъанавий равишда ташкил этиб келинаётган "Брейн-ринг" интеллектуал шоусининг 1-саралаш босқичи "Д" гуруҳ беллашуви бўлиб ўтди.
Ушбу беллашув, Полиэтилен ишлаб чиқариш цехининг "UZCLER", Электр таъминоти цехининг "KUCHLANISH", Маъмурий бошқарув аппаратининг "OPTIMUS" жамоалари ўртасида ўтказилди.
3 раунд давом этган мазкур интеллектуал шоу натижаларига кўра "UZCLER" жамоаси 4 балл билан беллашув ғолибига айланди.
"БРЕЙН РИНГ" интеллектуал шоусининг 1 саралаш "Д" гуруҳи беллашуви натижалари:
Қизиқарли баҳс мунозараларга бой бўлган мазкур интеллектуал беллашувда томошабинлар билан ҳам "ўйин ичида ўйин" ўтказилиб, бошловчи томонидан берилган интеллектуал саволларга аниқ ва тўғри жавоб берган фаол иштирокчиларга Касаба уюшма қўмитасининг эсдалик совғалари топширилди.
Ҳайъат аъзолари томонидан интеллектуал шоу беллашувида энг яхши ўйинчи деб топилган, "UZCLER" жамоаси аъзоси Хайдаров Отабекга мажмуа маъмурияти ҳамда Касаба уюшма қўмитаси томонидан эсдалик совғалари топширилди.
Шунингдек, тадбир давомида маънавий-маърифий дастурлар режасига кўра, ишчи-ходимларнинг ишчанлик кайфиятини ошириш, уларга ҳуш кайфият улашиш мақсадида Ўзбекистон кинематография агентлиги буюртмасига биноан суратга олинган «Орзулар қанотида» мусиқали кино комедияси намойиш этилди. Ушбу мусиқий кино комедияда ҳар бир инсон, ҳаётда ўз орзулари қанотида яшаши, ўзи босиб ўтган ҳаёт йўлини фақат рангли орзулар билан тасаввур қилиши ёритиб берилган.
