ШГКМ Соҳил футболи терма жамоаси Мўйноқда ўтган турнирда совриндор бўлди
Ўзбекистон Футбол Ассоциацияси томонидан мунтазам равишда Соҳил футболини ривожлантириш ва уни оммавийлигини ошириш мақсадида Қорақалпоғистон Республикасининг Мўйноқ туманида Соҳил футболи бўйича "Ўзбекистон кубоги" мусобақаси ўтказилди.
Дастлаб Республикамизнинг турли ҳудудларидан ташриф буюрган 8 та жамоа ўртасида қуръа ташлаш маросими ўтказилди ва жамоалар икки гуруҳга сараландилар.
Муросасиз баҳслар ва қизиқарли вазиятлар остида ўтган гуруҳ босқичи ўйинларидан сўнг турнир жадвали қуйидагича кўриниш олди:
Гуруҳ босқичини муваффақиятли якунлаган ШГКМ терма жамоаси ярим финал беллашувида СКУФ жамоасини 5:2 ҳисобида мағлуб этиб финал йўлланмасини қўлга киритди.
Кескин ва тенг курашларга бой бўлган финал учрашувида ШГКМ терма жамоаси Қорақалпоғистон Республикасининг Мўйноқ жамоасидан 4:5 ҳисобида мағлуб бўлиб, мусобақанинг фахрли 2-ўринини қўлга киритди.
Мусобақа сўнгида тақдирлаш маросими бўлиб ўтда, унда совриндор жамоалар ва турли номинациялар бўйича ғолиб бўлганлар тақдирландилар. Мусобақанинг енг яхши ўйинчиси номинациясини мажмуамиз терма жамоаси аъзоси Жорияқулов Элнур қўлга киритди.
Шу муносабат билан ШГКМ соҳил футболи терма жамоаси аъзоларини мажмуанинг кўп минг сонли ишчи-ходимлари номидан ушбу ютуқ билан муборакбод этамиз.