"Шўртан ГКМ" МЧЖда "Онлайн шахмат чемпионати - 2023" қизғин паллага кирди
Мамлакатимизда шахматни аҳоли ўртасида кенг тарғиб қилиш ва уни оммавий спорт турига айлантириш, ўсиб келаётган ёш авлоднинг интеллектуал ва маданий ривожланиши учун зарур шарт-шароитлар яратиш, юқори иқтидорга эга бўлган ёшларни танлаш, саралаб олиш ва уларни профессионал шахматчилар ва халқаро гроссмейстерлар сифатида тайёрлаш тизимини йўлга қўйиш борасида кенг кўламли ишлар амалга оширилмоқда ва бу борада катта ютуқларга эришилмоқда.
Хусусан, "Шўртан газ кимё мажмуаси" МЧЖда ишчи-ходимлар ўртасида соғлом турмуш тарзини ва спортнинг шахмат турини кенг тарғиб қилиш ҳамда уни оммавийлаштириш мақсадида ташкил этилган онлайн "Тезкор шахмат чемпионати-2023" доирасидаги учрашувлар айни пайтда ўзининг энг қизғин палласига кириб улгурди.
Шахматнинг «Блитз» йўналиши бўйича онлайн тарзда ўтказилаётган мусобақада мажмуанинг цех, бўлим, хизмат ва тармоқларида меҳнат фаолиятини олиб бораётган 24 нафар ишчи-ходимлар 23 та тур доирасида ўзаро беллашишлари режалаштирилган.
Ўтаётган онлайн чемпионат регламентига кўра ҳар бир иштирокчи мусобақа иштирокчилари билан бир мартадан ўйин ўтказиб чиқади ва тўпланган очколар натижасига кўра ғолиб ва совриндорлар аниқланади.
Ҳозирги кунга келиб мусобақанинг 12 тури ортда қолди ва турнир жадвали қуйидагича кўриниш олган:
Маьлумот учун, шахматнинг «Блитз» йўналиши тезкор тарзда бўлиб ҳар бир иштирокчига 3 дақиқадан вақт ажратилади ва ҳар бир ҳаракат (ход) учун қўшимча 2 сония қўшиб берилади.