September 16
“Шўртан ГКМ” МЧЖда куз-қиш мавсумига тайёргарлик ишлари давом этмоқда
“Ўзбекнефтгаз” акциядорлик жамияти ишчи гуруҳи томонидан “Шўртан газ кимё мажмуаси” МЧЖда технологик жараёнлар ва технологик жиҳозларнинг 2025/2026 йиллар куз-қиш мавсумида барқарор ишлашини таъминлашга қаратилган чора-тадбирлар ижроси ҳолати ўрганилди.
Текширув жараёнида мажмуада белгиланган чора-тадбирлар режаси асосида қатор ишлар амалга оширилгани қайд этилди. Жумладан:
- 4 та қозон жорий таъмирланди;
- 7 та сиғим (резервуар) жорий таъмирланди;
- 7 та трансформатор подстанцияси ва 3 та дизель электр станцияси тўлиқ текширилиб, ишга тайёр ҳолатга келтирилди;
- 220 метр иссиқлик тармоқлари изоляция қилинди;
- 84 та сиғим (резервуар) техник кўрикдан ўтказилиб, тозалаш ишлари олиб борилди;
- 6 та газ тақсимлаш пунктининг ҳолати текширилди.
Амалга оширилган ушбу ишлар мажмуада ишлаб чиқариш жараёнларининг узлуксизлигини таъминлаш, корхонанинг барқарор ишлаши ҳамда белгиланган режа асосида юқори сифатли маҳсулот ишлаб чиқаришга хизмат қилади.
