Favqulodda vaziyatlarni oldini olish va fuqaro muhofazasi oyligi faol davom etmoqda
Avval xabar berilganidek, joriy yil 15 martdan 15 aprelgacha “O‘zbekneftgaz” AJ tasarrufidagi ob’yektlarda “Favqulodda vaziyatlardan muhofaza qilish va fuqaro muhofazasi oyligi” deb e’lon qilingan.
Ushbu tadbir davomida zavod va boshqarmalar, tizimdagi neft va gaz ob’yektlari mas’ullarining favqulodda vaziyatlar sharoitida harakat qilishga shayligi tekshirilib, xodimlarni qutqaruv xizmatlari va tuzilmalar tarkibida harakat qilish hamda muhofazalanish usullariga o‘rgatish ishlari olib borilmoqda.
Oylik doirasida Muborak neft va gaz qazib chiqarish boshqarmasi, Sho‘rtan gaz kimyo majmuasi, “Uz-Kor Gas Chemikal” qo‘shma korxonasi, Buxoro neftni qayta ishlash zavodi, Muborak gazni qayta ishlash zavodida ham maxsus yong‘in o‘chirish avtomobillari va birlamchi yong‘in o‘chirish vositalari ko‘rgazmali namoyishlari hamda maxsus-taktik o‘quv mashqlari o‘tkazildi.
Mazkur oylikdan ko‘zlangan maqsad neft va gaz ob’yektlaridagi maxsus tarkibning kuch va vositalarni boshqarish, favqulodda vaziyatlardan muhofaza qilish tadbirlarida ularni samarali qo‘llash bo‘yicha amaliy ko‘nikmalarini oshirishdan iborat.
