Энг яхши рационализаторлар аниқланди
Ходимлар ижодий салоҳиятидан самарали фойдаланиш мақсадида “Бухоро нефтни қайта ишлаш заводининг энг яхши рационализатори” кўрик-танлови ўтказилди.
Жараёнларни рақамлаштириш, механизациялаш ва автоматлаштириш, иккиламчи ресурслардан самарали фойдаланиш, ёнилғини тежаш, муқобил энергия манбаларидан фойдаланиш, чиқиндиларни қайта ишлаш, хавфсизлик ва атроф-муҳит муҳофазасини кучайтириш, маҳсулот сифатини ошириш ва янги турларини йўлга қўйиш каби йўналишлардаги 36 та рационализаторлик таклиф келиб тушди.
Номзодларнинг ҳар бири ўз таклифининг янгилиги, техник ва ташкилий ечими, илмий-техник даражаси, кутилаётган ёки олинган натижалари бўйича тақдимот ўтказишди.
Комиссия натижаларига кўра, номинация бўйича биринчи ўринга Ж.Жумаев, иккинчи ўринга А.Саидов, учинчи ўринга Б.Пирнафасов таклифлари лойиқ топилди. И.Сайдалимов ва Д.Хомидовларнинг таклифлари “Энг яхши ёш рационализатор”лар наминациясининг биринчи ва иккинчи ўринларига муносиб кўрилди.
