March 5
“Мўътабар аёл” кўкрак нишони муборак
Ўзбекистон Республикаси Президенти ҳузуридаги Давлат бошқаруви академияси биносида Ўзбекистон Хотин-қизлар қўмитаси томонидан “Мўътабар аёл” кўкрак нишони совриндорларини тақдирлашга бағишланган тантанали маросим бўлиб ўтди.
Унда 8 март – халқаро Хотин-қизлар куни байрами муносабати билан совриндорларга “Мўътабар аёл” кўкрак нишонлари тантанали равишда топширилди.
Тақдирланганлар орасида “Ўзбекнефтгаз” АЖга қарашли И.М. Губкин номидаги Россия давлат нефт ва газ университети Тошкент шаҳридаги филиали кафедра доценти Шоира Намозова ҳам бор.
Шоира Намозовани мазкур мукофот билан чин дилдан муборакбод этган ҳолда, нефт ва газ соҳасидаги фаолиятига муваффақиятлар тилаб қоламиз.