Ишлаб чиқаришни ривожлантирувчи ғоялар танлаб олинди
Бухоро нефтни қайта ишлаш заводида “Энг яхши рационализатор-2024” кўрик-танлови якунлари сарҳисоб қилинди.
Танловдан мақсад ишлаб чиқариш жараёнларини оптималлаштириш, ресурсларни тежаш ва завод самарадорлигини оширишга қаратилган инновацион ғояларни рағбатлантириш. Иштирокчилар томонидан 15 та рационализаторлик таклиф тақдим этилди. Қайд этиш жоизки, уларнинг ҳар бири ўзгача ижодий ёндашув ва муҳандислик ечимларни акс эттириди.
Рационализаторлик фаолияти нафақат ички ривожланиш воситаси, балки корхона рақобатбардошлигини оширишга реал ҳисса қўшади. Танлов иштирокчилари таклифлари заводнинг етакчи мутахассисларидан иборат комиссия томонидан пухта ўрганиб чиқилди.
Номзодалар тақдим этган ғояларни баҳолашда вазифанинг долзарблиги, ғоянинг янгилиги, татбиқ қилиниши, корхона учун кутилаётган самарасига эътибор қаратилди.
Танловда “Бухоро НҚИЗнинг энг яхши рационализатори-2024”, “Энг яхши ёш рационализатор-2024” номинациялари бўйича ғолиблар аниқланди.