Ишда ҳам, спортда ҳам лидер: Ферангиз Хошимова жаҳон кубоги ғолиби!
2024 йил 24-29 сентябр кунлари Тошкент шаҳрида ўтказилган кикбоксинг бўйича жаҳон кубоги турнирида Бухоро нефтни қайта ишлаш заводи жамоасининг фахрли аъзоси, моҳир спортчи Хошимова Ферангиз ўзининг ирода ва қатъияти билан барчага намуна бўлди.
У кикбоксинг беллашувларида иштирок этиб, фахрли биринчи ўринни қўлга киритди ва мамлакатимиз байроғини халқаро майдонда янада юксалтирди.
Унинг спорт майдонидаги фаолияти, меҳнати ва сабр-тоқати нафақат кикбоксинг ихлосмандлари, балки барча ҳамкасблар томонидан катта эътирофга сазовор бўлди.
Ушбу ғалабага эришишда Ферангизга "Ўзбекнефтгаз" АЖ томонидан яратилган шарт-шароитлар ҳам катта ёрдам берди. Жамият томонидан ходимларнинг спорт билан мунтазам шуғулланишлари учун барча имкониятлар яратилган. Спорт иншоотлари ва спортчиларни қўллаб-қувватлаш дастурлари самарасида Ферангиз каби иқтидорли спортчилар ўз имкониятларини очмоқда.
Ферангизни ушбу ғалабаси билан табриклаб, унга янги зафарлар тилаймиз. У спортда янада юқори марраларни забт этишига ишонамиз.