“Брейн ринг” билимлар беллашувлари ғолиблари аниқланди
"Ўзбекнефтгаз" АЖ тасарруфидаги корхона ва ташкилотларда фаолият юритаётган ёшлар ва хотин-қизлар ўртасида ўтказилаётган "Интеллектуал олимпиада-2025" мусобақасининг 1-чорак якуни бўйича натижалар эълон қилинди.
Мазкур олимпиада 5 турдан иборат бўлиб, беллашувлар йилнинг 4 та чорагига тақсимланган. Дастлабки 1-турда хотин-қизлар жамоалари ўртасида "Заковат" ва "Заковат Квиз" ўйинлари ўтказилгани ҳақида хабар берилган эди.
2-турда ёшлар ўртасида "Брейн ринг" билимлар беллашувлари ўтказилди. Мусобақа якуний натижасига кўра 1-ўрин Муборак газни қайта ишлаш заводи, 2-ўрин Шўртан газ кимё мажмуаси, 3-ўрин “Ўзбекнефтгаз” АЖ Марказий аппарати жамоасига насиб этди.
Кейинги турларда ёшлар ўртасида "Заковат", "Заковат Квиз" ва "Хамса" каби интеллектуал ўйинлар ташкил этилади.
Билимдонларимизга келгуси беллашувларда ҳам омад ва зафарлар тилаймиз.