July 29
Болаларни табиий ресурсларни тежашга ўргатамиз
Бухоро нефтни қайта ишлаш заводига қарашли “Нефтчи” болалар оромгоҳида “Қувват” мультсериалининг тақдимоти бўлиб ўтди.
“Қувват”- болалар эътиборини табиий ресурслардан оқилона фойдаланишга жалб этиш мақсадида яратилган. Мультсериал болаларга сув, газ ва электр энергиясини тежашнинг амалий усуллар орқали ўргатади.
Тақдимот самимий ва дўстона муҳитда ўтди. Оромгоҳ устоз ва тарбиячилари мультсериал болаларда ресурслар ва атроф-муҳитга онгли муносабатни шакллантиришда ёрдам беришига ишонч билдиришди.
Намойишдан сўнг аниматорлар томонидан мавзуига оид кўнгилочар ўйинлар, турли танловлар ташкил этилди. Бу болаларга олган билимларини мустаҳкамлаш имконини берди.