“Uzbekistan open” III халқаро турнирида вакилларимиз ғолиб бўлишди
“Юнусобод” спорт мажмуасида кикбоксинг бўйича Uzbekistan open" III халқаро турнири бўлиб ўтди.
Нуфузли мусобақада дунёнинг 28 мамлакатидан 10 ёшдан 40 ёшгача бўлган жами 1600 нафар якка курашчи кикбокснинг 6 та йўналишида ўзаро куч синашишди.
WAKO Умумжаҳон кикбоксинг ассоциацияси вице-президенти Салим Кайичи ҳамда WAKO Asia - Осиё кикбоксинг ассоциацияси президенти Нассер Нассери бевосита баҳсларни кузатиб бориш учун юртимизга ташриф буюрди.
Мусобақада қатнашган Бухоро нефтни қайта ишлаш заводи ходими Ферангиз Ҳошимова шиддатли ва муросасиз кечган жангларда лоу-кик йўналишида 52 кг вазнда 3-ўринни эгаллади.
Шунингдек, “Нефтчи” спорт-соғломлаштириш мажмуаси аъзоси Жасур Қўзиев лоу-кик йўналишида 75 кг вазнда иккинчи ўринни қўлга киритди.
Ҳамкасбларимизни ушбу ютуқлари билан табриклаб, фаолиятларида улкан зафарлар тилаймиз.