Икки томондан ҳам электр энергиясини ишлаб чиқарадиган қуёш панели яратилди
АҚШ Энергетика вазирлигининг қайта тикланадиган энергия миллий лабораториясида икки томондан ҳам электр энергиясини ишлаб чиқарадиган қуёш панели яратилди.
Панелнинг орқа томони олд томонига қараганда 90 фоиздан кўпроқ энергия ишлаб чиқаради.
Ушбу ёндашув қуёш панелларининг энергия ишлаб чиқариш имкониятларини кенгайтиради.
Кремний яримўтказгичли материалдан ишланган қуёш панелларининг замонавий технологиялари 26 фоиз самарадорликка эга, бу янги панелнинг олд томонидаги лаборатория синовларида эришилган 23 фоиздан юқори. Аммо икки томонлама панелда орқа томон олд томонга нисбатан 91-93 фоизга самарадорлик билан қўшимча электр энергиясини ишлаб чиқаради. Бу эса панелнинг умумий рентабеллигини 20 фоизга оширади.
Икки томонлама қуёш панелларини ишлаб чиқариш бир томонламасига қараганда кўпроқ маблағ талаб этади. Аммо уларнинг кўпроқ электр энергиясини ишлаб чиқариш имконияти вақт ўтиши билан уларнинг самарадорлигини кўрсатади.