Акциядорлар диққатига!
“Ўзбекнефтгаз” АЖ ва унга қўшилган жамиятлар (собиқ “Ўзбурғунефтгаз” АЖ, “Ўзнефтгазқазибчиқариш” АЖ, “Ўзнефтмаҳсулот” АЖ, “Ўзнефтгазмаш” АЖ, “Андижоннефт” АЖ, “Жарқурғоннефт” АЖ)нинг акциядорларига 2018–2022 йиллар якунлари бўйича ҳисобланган, бироқ талаб қилиб олинмаган дивиденд маблағларини тўлаб бериш ишлари давом этмоқда.
Олинмаган дивидендлар жамият акциядорларининг реестрида акциядорларнинг банк реквизитлари мавжуд бўлмаганлиги сабабли юзага келган.
Акциядорлардан (уларнинг ворислари ёхуд меросхўрлари) дивидендларни “Ўзбекнефтгаз” АЖнинг Корпоратив муносабатлар департаментига мурожаат қилиш орқали ўз вақтида олишлари сўралади. Мурожаатга акциядорнинг банк реквизитлари (пластик картанинг рақами, амал қилиш муддати ва транзит ҳисоб рақами, банк СТИР рақами ва коди) ва паспорт нусхаси илова қилиниши лозим.
Ўзбекистон Республикаси “Акциядорлик жамиятлари ва акциядорларнинг ҳуқуқларини ҳимоя қилиш тўғрисида”ги Қонунининг 51-моддасига мувофиқ, “Ўзбекнефтгаз” АЖ уч йил ичида олинмаган дивидендни жамият ихтиёрида қолдириш масаласини акциядорларнинг умумий йиғилишида кўриб чиқиш учун киритиш ҳуқуқига эга.
Қўшимча маълумотлар учун “Ўзбекнефтгаз” АЖ Корпоратив муносабатлар департаментига мурожаат қилиш мумкин.
Манзил: 100125, Тошкент шаҳри, Дўрмон йўли 2-берк кўча, 143-уй;
Телефон: (+998 71) 231-13-96; (+998 71) 207-27-72 (ички рақам: 2064, 2067);
Электрон почта манзили: kans@ung.uz.