Нефть-газ соҳасида ҳамкорлик тўғрисида Битим имзоланди
Қозоғистоннинг Олмаота шаҳрида “Ўзбекнефтгаз” АЖ ва “КазМунайГаз” АЖ ўртасида нефть-газ соҳасида ҳамкорлик тўғрисидаги Битим имзоланди.
Томонлар очиқлик, ишонч ва ўзаро манфаатдорлик тамойиллари асосида тизимли ва узоқ муддатли ҳамкорликка интилишларини тасдиқладилар. Битим доирасида экспертлар мулоқоти, илғор тажриба алмашиш ва стратегик ташаббусларни биргаликда ишлаб чиқиш учун барқарор платформани шакллантириш кўзда тутилган.
Ҳамкорлик лойиҳалар географиясини кенгайтириш, ресурс базасидан фойдаланиш самарадорлигини ошириш, шунингдек, ҳар икки компаниянинг ишлаб чиқариш ва транспорт инфратузилмасидан фойдаланиш имкониятларини очиб беради.
Эксперт компетенцияларини бирлаштириш ҳар икки томон бизнесининг барқарор ривожланишига ҳисса қўшадиган амалий эчимлар ва ташаббусларни ишлаб чиқишга имкон беради.
Ушбу қадам компаниялар ўртасидаги юқори даражадаги ишбилармонлик ишончини акс эттиради ва Марказий Осиё минтақасида тармоқ ҳамкорлигини ривожлантиришга ҳисса қўшган ҳолда ўзаро манфаатли ҳамкорликни кенгайтиришга йўналиш беради.