Франция компанияси билан манфаатли келишувга эришилди
“Ўзбекнефтгаз” АЖ ҳамда Франциянинг “Cryostar” компанияси вакиллари билан икки томонлама учрашув бўлиб ўтди.
Унда Франция компанияси ўзининг юқори босимли табиий газ, этан ва конденсатни қайта ишлашга мўлжалланган юқори технологияли турбодетандерларининг янги ишланмалари тақдимотини ўтказди.
Қайд этиш жоизки, бугунги кунда “Cryostar” томонидан ишлаб чиқарилган турбодетандерлар “Ўзбекнефтгаз” АЖ тасарруфидаги Муборак газни қайта ишлаш заводи ва “Uz-Kor Gas Chemical” қўшма корхонаси фаолиятида самарали ишлатилиб келинмоқда.
Учрашувда “Cryostar” мутахассисларининг “Uz-Kor Gas Chemical”га ташрифи якунлари бўйича қўшма корхонада қўлланилаётган турбодетандерларнинг техник ҳолатига оид масалалар ҳам муҳокама қилинди.
Компанияга тегишли турбодетандерларни модернизация қилиш бўйича зарур тавсияларни тақдим этиш, “Ўзбекнефтгаз” АЖ ходимларини капитал таъмирлаш бўйича техник қўллаб-қувватлаш ва ўқитиш шартлари бўйича келишувларга эришилди.