“Uz-Kor Gas Chemical” Бошланғич касаба уюшмаси ташкилотининг ҳисобот-сайлов конференцияси бўлиб ўтди
Қорақалпоғистонда “Uz-Kor Gas Chemical” қўшма корхонаси бошланғич касаба уюшмаси ташкилотининг ҳисобот-сайлов конференцияси бўлиб ўтди. Унда бўлинма ташкилотларидан сайланган 165 нафар делегатдан 147 нафари иштирок этди.
Конференцияда Ўзбекистон энергетика, нефт-газ ва геология ходимлари касаба уюшмаси Республика Кенгаши раиси ўринбосари С. Егамбердиев иштирок этиб, касаба уюшмалари томонидан олиб борилаётган ишлар, хусусан, жорий йилда касаба уюшмаларининг 120 йиллиги кенг нишонланиши ҳақида айтиб ўтди.
Йиғилиш кун тартибига кўра, қўмитанинг 5 йиллик фаолияти бўйича раис ва тафтиш комиссиясининг ҳисоботлари тингланди ҳамда муҳокама қилинди.
Шунингдек, касаба уюшмаси қўмитаси ва тафтиш комиссиясининг таркиби, раислари ҳамда юқори ташкилотнинг қурултойига делегатлар сайланди.
Муқобиллик ва яширин овоз бериш йўли билан ўтказилган сайловда 82 та овоз билан Тлеймуратов Азамат Азатбаевич қўмита раиси этиб сайланди.