Вакант лавозимлар учун танлов
“Ўзбекнефтгаз” АЖ Бошқаруви раисининг Гендер масалалари бўйича маслаҳатчиси учун очиқ танлов эълон қилади.
Гендер масалалари бўйича маслаҳатчига қўйиладиган квалификация талаблар қуйидагилардан иборат:
• маълумоти: олий;
• мутахассислиги: иқтисодиёт, ҳуқуқшунослик, ижтимоий-гуманитар фанлар, ишлаб чиқариш билан боғлиқ йўналишлар (бакалавр ёки магистратура).
• тилларни билиши: ўзбек, рус тиллари – оғзаки ва ёзма нутқ эркин, инглиз тили (устунлик беради);
• компьютер саводхонлиги: мукаммал фойдаланувчи, Microsoft Offrce, Ехсеl, Power Point офис дастурларини билиш;
• иш тажрибаси: ижтимоий соҳада (касаба уюшмалари, вазирлик, идораларнинг хотин-қизлар билан ишлаш каби) камида 5 йил бўлиши талаб этилади.
Билим ва кўникмалар бўйича талаблар:
• Гендер тенглиги офиси ишини мувофиқлаштириш ва унинг вазифалари бажарилишини назорат қилиш;
• гендер тенглиги тамойилларини корпоратив жараёнларга интеграция қилиш учун Жамият раҳбарияти ва таркибий бўлинмалари билан ўзаро ҳамкорлик қилиш;
• гендер тенглиги стратегиясида назарда тутилган чора-тадбирларни амалга ошириш, шунингдек, Жамият Бошқаруви раисига Офис фаолияти натижалари бўйича ҳисобот тақдим этиш;
• гендер мувозанатига эришиш бўйича мақсадли кўрсаткичларни аниқ белгилайдиган чора-тадбирлар режаси ва стратегиясини ишлаб чиқиш ва амалга ошириш;
• Ходималар профессионал салоҳиятини ривожлантириш ва амалга оширишга қаратилган карьеравий ва профессионал ўсиш тизимини йўлга қўйиш;
• гендер тенглигини таъминлашда англанмаган стереотипларнинг таъсирии олдини олиш ва бошқа масалалар бўйича ўқув дастурлари, семинарлар ва тренинглар ташкил этиш;
• дискриминация ва тенгсизлик билан боғлиқ масалаларни ҳал қилиш учун шикоятларни кўриб чиқиш ва қайта алоқа механизми орқали ходимларни қўллаб-қувватлашни таъминлаш;
• “Лидер аёллар” мураббийлик дастурини ишлаб чиқиш ва амалга татбиқ этиш;
• менторлик, психологик ёрдам ва скрининг йўналишларида хорижий экспертлар ёки маҳаллий тажрибали мутахассисларни жалб этиш бўйича таклифлар киритиб боришдан иборат.
Номзодлар 2025 йил 6 январга қадар резюме/анкеталарини ушбу электрон манзилга юборишлари лозим: hr@ung.uz.
Батафсил маълумотлар учун +(99871) 207-27-72 (2334, 2569) телефон рақамига мурожаат этиш мумкин.
Маълумот учун: "Ўзбекнефтгаз" АЖ ва унинг таркибига кирувчи бошқарма, завод ва корхоналарда фаолият юритувчи юқоридаги талабларга мос келувчи номзодлар томонидан келиб тушган аризалар биринчи навбатда кўриб чиқилади.