Ёшлар ўртасида “Quiz” мусобақасининг учинчи босқичи бўлиб ўтди
Бугун, 13-июн куни Заковат аренада "Ўзбекнефтгаз" АЖ Интеллектуал олимпиадаси учинчи босқичи "Заковат QUIZ" чемпионати бўлиб ўтди. Ўйинга “Заковат” жамоаси ўйинчиси Жобир Аҳмедов бошловчилик қилди.
Ўйинга йўналиши, соҳаси, мутахассислигидан қатъий назар, “Ўзбекнефтгаз” АЖ тасарруфидаги корхона ва ташкилотлар ходимлари жалб этилди.
Маълумот ўрнида эслатиб ўтиш жоизки, мусобақанинг биринчи ва иккинчи босқичлари жорий йилнинг май ойида ўтказилган “Ўзбекистон нефт ва гази – OGU 2024” халқаро кўргазмаси доирасида ўтказилган эди.
Учинчи босқичда иштирок этган жами 26 жамоа вакиллари нефт ва газ саноати, Ўзбекистон ҳамда хорижий мамлакатлар тарихи, маданияти тўғрисида қанчалик чуқур билимга эга эканликларини намойиш этишди.
Топшириқлар тури ва мураккаблигига қараб ҳар бир саволга 30 секунддан 1 дақиқагача вақт ажратилди.
Учинчи босқич якуни бўйича қуйидаги натижалар қайд этилди:
1-ўрин: "Uzbekistan GTL" МЧЖ
2-ўрин: "Бухоро нефтни қайта ишлаш заводи" МЖЧ
3-ўрин: "Uz-Kor Gaz Chemical" МЧЖ
Умумий жамоа рейтингида биринчи, иккинчи ва учинчи ўринни қўлга киритган ташкилот жамоаларининг ҳар бирига эсдалик совғалари топширилди.