Муборак газни қайта ишлаш заводида “Ёшлар куни” ўтказилмоқда
Тадбирда "Ўзбекнефтгаз" АЖ тизим ташкилотлари ёшларидан иборат делегация иштирок этмоқда.
Бундан кўзланган мақсад ёшларни заводнинг фаолияти, унинг тарихий ва технологик ривожланиш босқичлари билан яқиндан таништириш, шунингдек, касбий салоҳиятларини оширишда кўмаклашишдир.
Делегация аъзолари очилиш маросимидан сўнг заводнинг 50 йиллик тарихи акс этган музейга ҳам экскурсия қилдилар.
Шунингдек, ёшлар заводдаги энг муҳим технологик қурилмалар ва ускуналарнинг йиллик қувватлари ва ишлаб чиқаришда барқарорликни таъминлашдаги аҳамияти билан яқиндан танишдилар.
Малака ошириш тренинглари ва маҳорат дарслари орқали ёш мутахассисларга ишлаб чиқариш жараёнларини самарали бошқариш, технологик ютуқлардан фойдаланиш ва заводдаги инновацион ечимлар ҳақида маълумотлар берилди.
