“Uzbekistan GTL” халқаро даражада эътироф этилди
Тожикистонда ўтказилган “Энг яхши ижтимоий шерик” Халқаро кўрик-танловида Ўзбекистон номидан иштирок этган “Uzbekistan GTL” МЧЖ бошланғич касаба уюшма ташкилоти ғолибликни қўлга киритди.
Эслатиб ўтамиз, завод танловнинг Республика босқичида биринчи ўринни эгаллаб, Марказий Осиё давлатлари ўртасидаги финалга йўлланмани қўлга киритганди.
Мазкур кўрик-танлов Марказий Осиё давлатлари касаба уюшмалари Кенгаши ташаббуси билан ташкил этилган бўлиб, унда мулкчилик шаклидан қатъий назар барча турдаги корхона ва ташкилотлар иштирок этиш ҳуқуқига эга. Тадбир иш берувчи ва касаба уюшмалари ўртасидаги ижтимоий шерикликни янада ривожлантириш, ишчи-ходимлар манфаатларини қўллаб-қувватлаш ва ҳимоя қилиш масалаларининг юқори савияда ташкил этилишига хизмат қилади.
“Uzbekistan GTL” МЧЖ бошланғич касаба уюшма ташкилотининг ушбу нуфузли танловда ғолиб деб топилиши жамиятда ижтимоий шериклик асосида амалга оширилган ишларнинг юқори савияда ташкил этилганлигининг эътирофидир.
