Вакант лавозимлар учун танлов
“Ўзбекнефтгаз” АЖ Молиялаштиришни жалб қилиш бўлими бошлиғи лавозими учун очиқ танлов эълон қилади.
Ушбу лавозим учун қўйиладиган квалификация талаблари қуйидагилардан иборат:
• мутахассислиги: иқтисодиёт, молия, банк иши (бакалавр ёки магистратура);
• тилларни билиши: ўзбек, рус тиллари – мукаммал (ёзма ва оғзаки), инглиз тили (IELTS сертификати камида - 7 балл);
• Компьютер саводхонлиги: Microsoft Office, Excel, PowerPoint дастурларидан мукаммал фойдаланувчи;
• Иш тажрибаси: 3 йил (нефт-газ соҳаси)
Билим ва кўникмалар бўйича талаблар:
• Хорижий молиявий институтлар билан музокаралар олиб бориш;
• Инвестицион ривожланиш режаси ва энг мақбул молиявий манбаларни ҳисобга олган ҳолда, ўрта ва узоқ муддатли молиялаштиришни жалб этишнинг устувор йўналишлари бўйича таклифлар тайёрлаш;
• Қарз мажбуриятларининг Жамият молиявий барқарорлигига таъсирини прогноз қилиш ва бошқариш воситаларини ишлаб чиқиш;
• Жамият ва унинг таркибидаги корхоналарнинг кредит маблағларига бўлган талабини ўрганиш ва ушбу йўналишдаги фаолиятни мувофиқлаштириш;
• Жамиятда амалга оширилаётган инвестиция лойиҳалари учун талаб қилинадиган кредит маблағларини жалб қилиш мақсадида кредиторлар билан музокаралар ўтказиш;
• Кредиторлар билан кредит ажратиш шартлари ва кредит шартномалари лойиҳасини келишиш, шунингдек KYC маълумотларини тақдим этиш;
• Кредит ўзлаштиришни бошлаш учун кредиторлар талабига кўра таъминотчи ва ҳамкорлардан тегишли ҳужжатларни (инвойслар, юк ташиш божхона декларацияси (ЮБД), сертификатлар ва ҳ.к.) мувофиқлаштириш ва кредит маблағларини ўзлаштириш учун талабнома жўнатиш;
• Жамият еврооблигациялари эмиссияси бўйича халқаро молия бозорида энг мақбул тўлов ставкаларини ўрганиш ва таклифлар тайёрлаш;
• Жамият томонидан халқаро облигацияларни, жумладан яшил облигациялар чиқариш, жойлаштириш ҳамда ахборот алмашинувини мувофиқлаштириш;
Номзодлар 2024 йил 1 ноябрга қадар ушбу ҳаволага кириб анкета / резюмеларни тўлдиришлари лозим.
Батафсил маълумот учун +(99871) 207-27-72 (2334, 2569) телефон рақамига мурожаат этиш мумкин.
Маълумот учун: "Ўзбекнефтгаз" АЖ таркибига кирувчи бошқарма, завод ва корхоналарда фаолият юритувчи юқоридаги талабларга мос келувчи номзодлар томонидан келиб тушган аризалар биринчи навбатда кўриб чиқилади.