Бугун 11 ноябрь - Ўзбекистон Касаба уюшмалари куни!
Шу муносабат билан "Ўзбекнефтгаз" АЖ тизимидаги завод, бошқарма ҳамда корхоналарда "Инсон қадри учун, эл-юрт бахти учун!" шиори остида бир қатор маданий-маърифий тадбирлар, спорт мусобақалари, саёҳатлар ташкил этилди.
Ишчи-ходимлар ўртасида спортнинг мини-футбол, шахмат, шашка, стол-тенниси, гимнастика каби турлари бўйича мусобақалар ҳамда "Заковат" интеллектуал ўйинлари ўтказилди.
Меҳнат фахрийлари, касаба уюшма қўмитаси фаоллари иштирокида давра суҳбатлари ўтказилиб, касаба уюшма қўмитасининг эсдалик совғалари ва дипломлари билан тақдирландилар.
Байрам арафасида корхоналарда таниқли санъаткор ва хонандалар иштирокида концерт дастурлари намойиш этилиб, касаба уюшма қўмитаси фаоллари Хива, Тошкент, Самарқанд, Бухоро шаҳарларига саёҳатларга олиб борилди.
“Ўзбекнефтгаз” АЖ хотин-қизлар масалалари бўйича жамоатчилик кенгаши томонидан ушбу санага бағишланиб, аёллар ўртасида флешбомлар ўтказилди.
