Иқтидорли талабаларга амалиёт ўташ имкони берилмоқда
"Шўртан газ кимё мажмуаси" МЧЖ томонидан Ислом Каримов номидаги Тошкент Давлат техника университетининг 3-босқич талабалари орасидан иқтидорли ёшларни амалиёт дастурига танлаб олиш мақсадида имтиҳонлар ўтказилиши бошланди.
Амалиёт дастури сунъий интеллект, энергетика, электр энергетикаси, техникаси, механикаси ва технологиялари, электроника ва асбобсозлик, технологик жараёнлар ва ишлаб чиқаришни автоматлаштириш, мехатроника ва робототехника, интеллектуал муҳандислик тизимлари, нефт-газ кимё саноати технологияси каби йўналишлар бўйича ташкил этилади.
Имтиҳонларнинг ҳар бир босқич натижалари мажмуанинг расмий веб-сайти ва телеграм канали орқали эълон қилиб борилади.
Амалиёт дастури ғолиблари 2024-2025-ўқув йилидаги амалиёт даврида "Шўртан газ кимё мажмуаси" МЧЖда барча зарур шарт-шароитларга эга бўлган амалиёт жараёнини ўташ имкониятига эга бўладилар.