Вакант лавозимлар учун танлов
“Ўзбекнефтгаз” АЖ Капитал қурилиш ва лойиҳалаштириш департаменти Қурилиш ҳамда таъмирлашнинг сифат назорати ва техник кузатиш бўлими катта таҳлилчиси лавозимига очиқ танлов эълон қилади.
Мутахассисга қўйиладиган талаблар:
• Маълумоти: олий;
• Мутахассислиги: қурилиш, архитектура, техник олийгоҳлар битирувчиси;
• Тилларни билиш даражаси: давлат тили - мукаммал, рус тили – яхши (Инглиз тилини билиш афзаллик беради);
• Компьютер саводхонлиги: ишончли компьютер фойдаланувчиси (MS office);
• Иш тажрибаси: қурилиш соҳасида камида 3 йил иш тажрибасига эга бўлиши талаб этилади.
Мутахассисга қўйиладиган функционал мажбуриятлар:
• Қурилиш технологияси ва иш сифатига риоя этилиши, технологик қувурлар ва ускуналарни монтаж қилишда сифат назорати бўйича кўрсатилган нуқсон ва камчиликларнинг берилган муддатларда сифатли бартараф этилиши бўйича назорат қилиш;
• Буюртма қилинган материалларнинг миқдори ва турлари бўйича мослигини текшириш;
• Бош пудратчи томонидан саноат хавфсизлиги, меҳнат ва атроф-муҳитни муҳофаза қилиш соҳасида талабларга риоя этилишини назорат қилиш;
• Бажарилаётган иш ҳажмларининг ҳисобланиши лойиҳа ҳужжатларига мувофиқлигини назорат қилиш;
• Музокараларда иштирок этиш, тузилган шартномавий мажбуриятлар бажарилиши устидан назоратни амалга ошириш;
• Молиялаштиришни жалб қилиш доирасида банклар талабига мувофиқ ESG лойиҳалари бўйича маълумотларни тайёрлаш (инглиз тилида);
Номзодлар 2025 йил 10 мартга қадар резюме/анкеталарини ушбу ҳавола орқали тўлдиришлари лозим.
Батафсил маълумотлар учун +(99871) 207-27-72 (2334, 2569) телефон рақамига мурожаат этиш мумкин.