Адукацыйныя магчымасці для валанцёраў

Наш дэмакратычны рух будуецца на навыках і ведах беларусаў. Мы ўпэўненыя, што чалавечы капітал – гэта аснова новай Беларусі. Мы сабралі адукацыйныя магчымасці для валанцёраў Офіса — самых актыўных беларусаў, адкрытых для ўсяго новага.

Далучайцеся, удасканальвайце навыкі, атрымлівайце веды і рэалізуйце праекты на карысць свабоднай Беларусі!

Анлайн: курсы, трэнінгі, гранты

Грант на правядзенне даследавання па Беларусі ў сучасным кантэксце

• Падавайце заяўкі да 1 чэрвеня.
• Дэдлайны: 3 месяцы да падачы прамежкавай справаздачы. Выніковае даследаванне — да 15 лістапада 2022.

Офіс па адукацыі для новай Беларусі ў межах праграмы Каралеўства Нідэрландаў «Orange Scholarships» аб'яўляе конкурс грантаў на правядзенне даследаванняў у сферы сацыяльна-гуманітарных навук, права, эканомікі, медыядаследаванняў, мастацтва і т.п. Тэматычны фокус даследаванняў — Беларусь у кантэксце палітычных рэпрэсій і вайны ва Украіне.

Заяўкі прымаюцца ад даследчай групы «ментар/ментарка — студэнт/студэнтка ці аспірант/аспірантка». Памер гранта складае 2500 еўра, у 2022 годзе будзе размеркавана не больш за 35 грантаў.

​Бясплатная летняя школа па ўстойлівым развіцці

• Падавайце заяўкі да 31 траўня.
• Калі: 1-15 жніўня.
• Удзельнікі будуць вызваленыя ад аплаты.

Гэтая двухтыднёвая летняя школа SDG Global Summer School у Кітаі запрашае студэнтаў і аспірантаў на курсы, прысвечаныя мэтам устойлівага развіцця.
Патрабаванні: - добрая англійская (вынікі TOEFL/IELTS не патрабуюцца);
- быць студэнтам ці аспірантам
- прысвячаць 15-20 гадзін у тыдзень на праходжанне курса і выкананне заданняў

Афлайн: школы ў розных краінах

Летняя школа журналістыкі імя Барыса Нямцова у Празе

Калі вы супрацоўнічаеце з медыя, вядзеце ўласны медыяпраект ці займаецеся грамадскім актывізмам, гэта для вас!

• Мова: руская
• Калі: 11–29 ліпеня 2022
• Дзе: Чэхія
• Падавайце заяўкі да 18 траўня.

Навучальная праграма ўключае лекцыі і семінары журналістаў і медыяэкспертаў, практычныя заняткі па асновах відэа- і фотаздымак і дыстрыбуцыі кантэнту ў Інтэрнеце.

Важным складнікам навучання з'яўляецца рэалізацыя ўсімі ўдзельнікамі самастойных журналісцкіх праектаў.

Летняя стажыроўка ў Турцыі LOCALINTERNational Internship Program

• Мова: англійская
• Дзе: Турцыя
• Калі: 21-27 жніўня
• Падавайце заяўкі да 10 чэрвеня.

На міжнароднай праграме вучаць удзельнікаў мясцоваму самакіраванню з дапамогай інструкцый, практычных прыкладаў і выездаў на месцы, уключаючы грамадскія мерапрыемствы і паездкі ў розныя гарады Турцыі.

Удзел бясплатны. Усе выдаткі пакрые Саюз муніцыпалітэтаў Турцыі, віза не патрэбная.

Патрабаванні: Для студэнтаў апошняга курса або выпускнікоў па спецыяльнасці права, эканоміка, гарадское/рэгіянальнае планаванне, сацыялогія, статыстыка, камунікацыя, палітычная навука, міжнародныя адносіны або сумежныя вобласці.

Варыянты для студэнтаў і навукоўцаў, якія знаходзяцца ў небяспецы

500 еўра на выезд з Беларусі ў выпадку небяспекі

Офіс па адукацыі для новай Беларусі ў межах праграмы Каралеўства Нідэрландаў «Orange Scholarships» адкрыў прыём заявак на пакрыццё тэрміновых выдаткаў сумай да 500 еўра для студэнтаў, якія зведалі або якім пагражаюць рэпрэсіі, з мэтай іх экстранага выезду, найму жылля ў бяспечным месцы або навучання за мяжой.

Бясплатнае навучанне ў Бразіліі

Дзяржаўны ўніверсітэт г. Кампінес (Бразілія) дае магчымасці для навучання беларускім студэнтам і аспірантам, якія знаходзяцца ў небяспецы (у т.л., пад пагрозай быць прызваным у войска).

Час, на які прадугледжаная стыпендыя: бакалаўрыят - 4 гады; магістры - 2.5 гады.

Глядзіце падрабязнасці па спасылцы і задавайце пытанні па адрасе Народнай амбасады ў Бразіліі: [email protected].