24 января память преподобного Феодосия Великого...
Тропарь преподобного Феодосия Слез твоих теченьми пустыни безплодное возделал еси,/ и иже из глубины воздыханьми во сто трудов уплодоносил еси,/ и был еси светильник вселенней, сияя чудесы, Феодосие отче наш,// моли Христа Бога спастися душам нашим.
23 января память святителя Феофана, Затворника Вышенского...
Тропарь святителя Феофана Православия наставниче,/ благочестия учителю и чистоты,/ Вышинский подвижниче, святителю Феофане богомудре,/ писаньми твоими Слово Божие изъяснил еси/ и всем верным путь ко спасению указал еси,// моли Христа Бога спастися душам нашим
22 января память святителя Филиппа, митрополита Московского...
Тропарь святителя Филиппа Первопрестольников преемниче,/ столпе Православия, истины поборниче,/ новый исповедниче, святителю Филиппе,/ положивый душу за паству твою,/ темже, яко имея дерзновение ко Христу,/ моли за град же и люди,// чтущия достойно святую память твою.
21 января память преподобных Георгия Хозевита и Георгия чудотворца Печерского...
Кондак преподобного Георгия Явился еси светило пресветлое, Георгие,/ озаряя Божественными зарями верно зовущия ти:/ моли о нас Владыку Христа,/ явльшагося во струях// и просвещшаго земнородныя.
20 января празднуется Собор Предтечи и Крестителя Господня Иоанна.
Тропарь Предтечи Память праведнаго с похвалами,/ тебе же довлеет свидетельство Господне, Предтече:/ показал бо ся еси воистинну и пророков честнейший,/ яко и в струях крестити сподобился еси Проповеданнаго./ Темже, за истину пострадав, радуяся,/ благовестил еси и сущим во аде Бога, явльшагося плотию,/ вземлющаго грех мира// и подающаго нам велию милость.
19 января Святое Богоявление.
Тропарь Крещения Господня Во Иордане крещающуся Тебе, Господи,/ Тройческое явися поклонение:/ Родителев бо глас свидетельствоваше Тебе,/ возлюбленнаго Тя Сына именуя,/ и Дух в виде голубине/ извествоваше словесе утверждение./ Явлейся Христе Боже// и мир просвещей, слава Тебе.
18 января Навечерие Богоявления (Крещенский сочельник).
Тропарь Навечерие Богоявления Возвращашеся иногда Иордан река милотию Елиссеевою,/ вознесшуся Илии,/ и разделяхуся воды сюду и сюду/ и бысть ему сух путь, иже мокрый,/ во образ воистинну Крещения,/ имже мы текущее жития преходим шествие:// Христос явися во Иордане освятити воды.
17 января собор 70-ти апостолов.
Тропарь апостолов Апостоли святии,/ молите Милостиваго Бога,/ да прегрешений оставление// подаст душам нашим.
16 января память пророка Малахии, мученика Гордия...
Кондак пророка Малахии Пророчества дарованием богатея, пророче,/ Христово предвозвестил еси пришествие яве и мирови спасение,// Егоже сиянием мир просветися.
15 января: преставление, второе обретение мощей прп. Серафима, Саровского чудотворца; память святителя Сильвестра, Папы Римского...
Тропарь преподобного Серафима От юности Христа возлюбил еси, блаженне,/ и, Тому Единому работати пламенне вожделев,/ непрестанною молитвою и трудом в пустыни подвизался еси,/ умиленным же сердцем любовь Христову стяжав,/ избранник возлюблен Божия Матере явился еси./ Сего ради вопием ти:// спасай нас молитвами твоими, Серафиме, преподобне отче наш.