122 വർഷങ്ങളാണ് കടന്നുപോയത്. 1912 ഏപ്രിൽ 15ന് ആണ് ടൈറ്റാനിക് കടലിൽ മുങ്ങിയത് .ബ്രിട്ടനിലെ സതാംപ്ടണിൽ നിന്ന് യുഎസ് നഗരം ന്യൂയോർക്കിലേക്കു തന്റെ കന്നിയാത്രയ്ക്കു പുറപ്പെട്ടതായിരുന്നു ആ കപ്പൽ. വെറുമൊരു കപ്പലായിരുന്നില്ല അത്. ബ്രിട്ടനിലെ വമ്പൻ സമുദ്രഗതാഗത കമ്പനിയായ വൈറ്റ്സ്റ്റാർ ലൈനിന്റെ അഭിമാന ചിഹ്നമായിരുന്നു അത്. അന്നുവരെ ലോകത്തിൽ നിർമിക്കപ്പെട്ടവയിൽ ഏറ്റവും വലിയ ആഢംബരക്കപ്പൽ.

ലോകത്തിലെ ഏറ്റവും ഹാപ്പിയായ ജീവി. എപ്പോഴും ചിരിച്ച മുഖം- ഓസ്‌ട്രേലിയയിലെ ക്വോക്ക എന്ന ജീവിയാണ് ഇങ്ങനെ അറിയപ്പെടുന്നത്. ക്വോക്ക യഥാർഥത്തിൽ ഹാപ്പിയാണോ അല്ലയോ എന്ന് നമുക്കറിയില്ല. പക്ഷേ ഇവയുടെ വായയുടെ പ്രത്യേകത കാരണം ഇവയ്ക്ക് എപ്പോഴും ചിരിച്ച മുഖമാണ്. ക്വോക്കകൾ ചെറിയ ജീവികളാണ്, ഒരു പൂച്ചയുടെ അത്രയൊക്കെ വലുപ്പം വരും. ഓസ്‌ട്രേലിയയിലെ സഞ്ചിമൃഗങ്ങൾ ഉൾപ്പെടുന്ന മാർസൂപ്പിയൽ ജീവി വിഭാഗത്തിലാണ് ഇവയും ഉൾപ്പെടുന്നത്.

രണ്ടു തലച്ചോറുള്ള ജീവികളെന്നായിരുന്നു സെറാപോഡുകളെ ശാസ്ത്രജ്ഞർ വിചാരിച്ചിരുന്നത്. 10 കോടി വർഷം മുൻപ് ജീവിച്ച സോറോപോഡ് ദിനോസറുകളാണ്. വലിയ ജീവികളാണെങ്കിലും ചെറിയ തലച്ചോറുകളായിരുന്നു ഇവയ്ക്ക്. നീളമുള്ള വാലിന്റെ അറ്റത്തും തലച്ചോർ പോലെയുള്ള ഒരു ഘടനയുണ്ടായിരുന്നു. ഇതാണ് ഇവയ്ക്ക് രണ്ട് തലച്ചോറുണ്ടെന്ന വിശ്വാസത്തിന് കാരണമായത്.

മൃഗങ്ങൾ രാജ്യാന്തര ബന്ധങ്ങളുടെ ഭാഗമാകുന്നത് പുതിയ കാര്യമൊന്നുമല്ല. പാണ്ടയും ആനകളുമെല്ലാം രാജ്യങ്ങൾ തമ്മിലുള്ള നയതന്ത്രത്തിന്റെ ഭാഗമായിട്ടുണ്ടെന്നത് ചരിത്രം. ഇപ്പോൾ ഒറാങ് ഉട്ടാന്റെ കൈപിടിച്ച് മൃഗ നയതന്ത്രത്തിന്റെ പാതയിലേക്ക് വരാനൊരുങ്ങുകയാണ് മലേഷ്യ. രാജ്യത്തിന്റെ പ്രധാന വരുമാനമാർഗമായ പാമോയിലിന്റെ പ്രധാന ഉപഭോക്തൃ രാഷ്ട്രങ്ങൾക്ക് ഒറാങ് ഉട്ടാനെ സമ്മാനമായി നൽകാനാണ് മലേഷ്യയുടെ തീരുമാനം. ചൈനയുടെ ‘പാണ്ട നയതന്ത്ര’ത്തിൽനിന്ന് പ്രചോദനമുൾക്കൊണ്ടാണ് മലേഷ്യയുടെ നീക്കം.

1991ൽ സോവിയറ്റ് യൂണിയന്റെ തകർച്ചയ്ക്ക് അവസാന ആണിക്കല്ലുമടിച്ച് പ്രസിഡന്റ് മിഖായേൽ ഗോർബച്ചേവ് രാജിവെച്ചു. പിന്നാലെ സോവിയറ്റ് യൂണിയൻ പിരിച്ചുവിടുന്നുവെന്ന് പുതിയ പ്രസി‍‍‌ഡന്റ് ബോറിസ് യിത്സിന്റെ പ്രഖ്യാപനമെത്തി. 29 കോടിയോളം വരുന്ന സോവിയറ്റ് യൂണിയനിലെ ജനങ്ങൾ പുതിയ രാജ്യങ്ങളുടെയും പുതിയ ദേശീയതകളുടെയും ഭാഗമായി. സെർഗെയ് ക്രികലേ‌വ് എന്ന സോവിയറ്റ് ബഹിരാകാശ ഗവേഷകനൊഴികെ. തന്റെ രാജ്യം 15 കഷ്ണങ്ങളായി ഭാഗം പിരിഞ്ഞുപോകുന്നത് ഭൂമിയിൽനിന്ന് 358 കിലോമീറ്ററകലെ ശൂന്യാകാശത്തിരുന്ന് ക്രികലേവ് കണ്ടു. ബഹിരാകാശ വാസത്തിനുശേഷം ക്രികലേവ് ഭൂമി തൊടുമ്പോൾ സോവിയറ്റ് യൂണിയനെന്ന ‘ഇല്ലാത്ത’ രാജ്യത്തിന്റെ പൗരത്വമുള്ള ലോകത്തെ ഒരേയൊരു വ്യക്തിയായി അദ്ദേഹം. അവസാനത്തെ സോവിയറ്റ് പൗരൻ സോവിയറ്റ് യൂണിയന്റെ തകർച്ച കാരണം ഒരു വർഷത്തോളമാണ് ക്രികലേവ് ബഹിരാകാശത്ത് കുടുങ്ങിയത്...

ചന്ദ്രനിൽ ആദ്യമായി കാലുകുത്തിയ അമേരിക്കക്കാരായ നീൽ ആംസ്ട്രോങ്ങിനും , ബസ് ആൽഡ്രിനുമോപ്പം അപ്പോളോ 11 പേടകം നിയന്ത്രിച്ച് കൂടെയുണ്ടായിരുന്ന മൈക്കൽ കോളിൻസിനെയാണ് 'വിസ്മൃതനായ ബഹിരാകാശ സഞ്ചാരി' എന്ന് വിളിക്കുന്നത്.

49 അടിയോളം അതായത് ഏകദേശം 15 മീറ്റർ നീളം , ഇതുവരെ കണ്ടെത്തിയതില്‍ ഏറ്റവും വലുപ്പമുള്ള ഒരു രാക്ഷസ സർപ്പം. ഇന്ത്യൻ ഉപഭൂഖണ്ഡത്തിൽ ഇഴഞ്ഞുനടന്നിരുന്ന ‍ഡിനോസർ വർഗത്തിലെ ഭീമാകാരനെ കണ്ടെത്തിയ വിവരം പുറത്തുവിട്ടിരിക്കുന്നത് ഐഐടി റൂര്‍ക്കി യാണ് . പക്ഷേ പേടിക്കേണ്ട ഈ വംശം കുറ്റിയറ്റതാണ്. ലിഗ്നൈറ്റ് ഖനിയിൽ‍ കണ്ടെത്തിയ ഈ രാക്ഷസ പാമ്പിന്റെ ഫോസിൽ ചിത്രങ്ങളും എക്സ് പോസ്റ്റില്‍ പങ്കുവച്ചിട്ടുണ്ട്. 47 ദശലക്ഷത്തോളം മുൻപ് ജീവിച്ചിരുന്ന ഈ ഉരഗത്തിനു വാസുകി ഇൻഡിക എന്ന പേരാണ് നൽകിയിരിക്കുന്നത്.

കരടിയുടെ രൂപവുമായി സാമ്യമുണ്ടെങ്കിലും ജലക്കരടിയെ കാണണമെങ്കിൽ സൂക്ഷ്മദർശിനിവേണം. 50-200 മൈക്രോമീറ്റർ മാത്രമാണ് അവയുടെ വലുപ്പം. 1771-ൽ ജൊഹാൻ ഓഗസ്റ്റ് എഫ്രയിം ഗോസ് (Johann August Ephraim Goeze) എന്ന ജർമൻ പുരോഹിതൻ വെള്ളത്തിലുള്ള ജീവികളെ സൂക്ഷ്മദർശിനിയിലൂടെ നിരീക്ഷിക്കുമ്പോഴാണ് കരടിയുടെ രൂപമുള്ള ഒരു കൊച്ചുജീവിയെ കാണുന്നത്. അദ്ദേഹമതിനെ ‘കുഞ്ഞൻ ജലക്കരടി’ എന്ന് വിളിച്ചു. പിൽക്കാലത്ത് ടാർഡിഗ്രേഡ് (Tardigrade) എന്ന ശാസ്ത്രീയനാമത്തിലറിയപ്പെട്ട ഈ കൊച്ചുജീവികൾ വെള്ളത്തിൽ മാത്രമല്ല കരയിലും ജീവിക്കുന്നതായി കണ്ടുപിടിക്കപ്പെട്ടു.

നൂറ്റാണ്ടുകള്‍ക്കു മുമ്പ് ഭൂമിയില്‍ നോസ്ട്രഡാമസ് എന്നൊരു മനുഷ്യന്‍ ജീവിച്ചിരുന്നു. ഈ ലോകം കണ്ട ഏറ്റവും വലിയ ഭാവി പ്രവചിക്കുന്ന ആള്‍. അയാള്‍ താന്‍ ജീവിച്ചിരുന്ന കാലഘട്ടത്തിന്റെ ആയിരക്കണക്കിന് വര്‍ഷങള്‍ക്ക് ശേഷം ഉള്ള കാര്യങ്ങള്‍ ആണ് കൂടുതലായും പ്രവചിച്ചിരുന്നത്.

മഞ്ഞുപാളികൾക്കിടയിൽപ്പെട്ടു സമയം പോലും മരവിച്ച ഒരു പ്രദേശം. കാന‍ഡയിലെ നുനാവിറ്റിലെ കിവലിക് മേഖല. അവിടെ അംഗികുനി തടാകത്തിന്റെ തീരത്ത് കഠിനമായ ആർടിക് പരിസ്ഥിതിയോടു മല്ലിട്ട്, മത്സ്യബന്ധനം ഉപജീവനമാക്കിയ ഏകദേശം 25 പേര്‍ മാത്രമുള്ള ഒരു ഗ്രാമം. ശീതക്കാറ്റ് അലറിവിളിച്ച ഒരു വിചിത്ര രാത്രിക്കു ശേഷം, ഈ ഗ്രാമവാസികളെല്ലാം നിഗൂഢമായി അപ്രത്യക്ഷരായി. പുരുഷന്മാരും സ്ത്രീകളും കുട്ടികളും അടങ്ങുന്ന ഒരു ഗ്രാമം മുഴുവൻ ഒറ്റ രാത്രിയിൽ അപ്രത്യക്ഷമായിരിക്കുന്നു. ഏറ്റവും അദ്ഭുതം, അവിടെ മരണമടഞ്ഞവരുടെ ശരീര അവശിഷ്ടങ്ങൾ പോലും സെമിത്തേരിക്കുള്ളിലുണ്ടായിരുന്നില്ല.