Халқаро инвестицион компаниялар билан учрашув бўлиб ўтди
“Ўзбекнефтгаз” АЖда халқаро инвестицион компаниялар – “Fidelity Management & Research”, “Morgan Stanley Investment Management” ва “Artisan Partners” вакиллари билан учрашув бўлиб ўтди.
Мулоқотнинг асосий мавзуси компаниянинг сўнгги корпоратив ютуқлари, ишлаб чиқариш фаолияти, соҳадаги трендлар ва келгуси инвестицион устувор йўналишлари бўлди.
Ушбу учрашув нафақат мавжуд муваффақиятларни намойиш этиш, балки Жамиятнинг ривожланиш истиқболлари ва молиявий эҳтиёжларини тақдим этиш учун ҳам муҳим аҳамият касб этади.
Учрашувда шунингдек, жорий йилнинг октябр ойида “Ўзбекнефтгаз” АЖ жамоаси томонидан Лондон шаҳрида халқаро рейтинг агентликлари, хорижий банклар ва йирик сармоядорлар билан учрашувлар ўтказиш бўйича тайёргарлик ишлари олиб борилаётгани маълум қилинди.
Бундай ҳамкорлик нафақат компаниянинг молиявий кўрсаткичларини яхшилашга ёрдам беради, балки янги лойиҳаларни амалга ошириш учун муҳим туртки бўлади.