Мәңгілік құндылықтар
Инвесторлар үшін қандай қымбат металдар тартымды болып қалуда
2023 жылы алтын 13,1%, күміс 0,7% қымбаттады. Сонымен қатар платина 8% -ға арзандады, ал палладийдің баға белгіленімі 38,4% -ға құлдырады. Бұл айырмашылықтардың себептерін анықтап, 2024 жылға дейін аталған қымбат металдардың әрқайсысы бойынша болжам жасау уақыты келді.
Алтын: ФРЖ шешімі және сайлау
2023 жылы World Gold Council әлемдік орталық банктер тарапынан жоғары сұранысты тағы да тіркеді. Олардың сатып алған физикалық құймаларының көлемі 1037 тоннаны құрады, оның 225 тоннасы қытайлық ОБ тиесілі болды. Сонымен қатар «алтын» биржалық қорлардың (ETF) активтері үшінші жыл қатарынан қысқаруды жалғастырды.
Қымбат металдың динамикасы қызықты, себебі әдетте оның баға белгіленімдері мен пайыздық мөлшерлемелері әртүрлі бағытта қозғалады. Ставкалардың өсуімен алтын басқа биржалық құралдарға, мысалы облигацияларға ұтылады. Ақша-кредит саясатының, бірінші кезекте ФРЖ тарапынан жұмсартылуы доллардың басқа резервтік валюталарға қатысты әлсіреуіне алып келеді, бұл металды инвестициялар үшін анағұрлым тартымды етеді.
Әлемдегі ең қымбат монета 1933 жылғы Double Eagle 20-долларлық монетасы болды. Оны 2021 жылы аукционнан $18,8 млн-ға сатқан болатын
Инвестициялық үйлердің көпшілігі әлемнің жетекші Орталық банкінің мөлшерлемені төмендетуге көшуіне үміттенеді, бұл алтын бағамдарына қолдау көрсетуі тиіс. Өткен жылдардың баға динамикасы оның орташа алғанда Федералдық резервтің монетарлық шарттарды жұмсарту жөніндегі бірінші шешімінен кейін 30 күн ішінде 6% -ға қымбаттағанын көрсетеді.
Алтынның бағасы, унция үшін $
Тағы бір маңызды фактор - АҚШ-тағы президенттік сайлау. Республикашылдар мен демократтар Американың әлемдік саясат пен экономикадағы рөлі туралы әртүрлі түсініктерге ие, ал қазіргі президент Байденнің жеңісі немесе Трамптың табысты реванш алуы доллардың басқа валюталарға қатысты динамикасына тікелей әсер етеді. Сайлау жақындаған сайын алтын бағасына оң әсерін тигізетін белгісіздік артып келеді.
Шиеленістің күшеюі және қорғаныс активі ретінде мәңгілік металға сұраныстың өсуі жағдайында оның бағасы биыл трой унциясы үшін $2500-ға жетуі мүмкін.
Күміс: секіріске даярлығы
Ақша-кредит саясатын жұмсарту кезеңдерінде күміс қымбат бағалы және өнеркәсіптік металдың қасиеттерін үйлестіретіндіктен, алтыннан жылдам бағада өседі. Сонымен қатар оның баға белгілеулері 18% үлесі бар ірі жаһандық тұтынушы ретінде Қытайдағы сұранысқа өте тәуелді.
2021 жылдан бастап күміс құнының ауытқу диапазоны біртіндеп тарылып келеді. Актив бағасы ұзақ мерзімді өрлеу трендінде болғандықтан, соңғы жылдардағы жағдай металл инвесторлары үшін қолайлы шешілуі мүмкін. 2024 жылға арналған мақсатты деңгей $30 шамасында, ал күміс баға белгілеу үшін қолайлы жағдайлар орын алған кезде құрал бір унция үшін $35 жетуі мүмкін.
Күмістің бағасы, унция үшін $
Платина және палладий
Бұл қымбат металдар негізінен автомобильдік іштен жану қозғалтқыштары үшін катализаторлар өндірісінде пайдаланылады. Бұл материалдарға сондай-ақ электроника мен зергерлік бұйымдарды өндірушілер, химия және медицина индустриясы сұраныс білдіреді. 2023 жылы палладий автокатализаторлар өндірісінде неғұрлым арзан платинамен белсенді түрде алмастырыла бастады, бұл металл құнының күрт төмендеуіне алып келді. Оған шикізаттың басқа түрлері басымдылыққа ие электромобильдер нарығының дамуы қосымша қысым көрсетеді.
Алдағы жылға платина бойынша мақсатты деңгейлер унция үшін $1000-1100 диапазонында, бұл орта мерзімді перспективада 20% -ға дейін өсу әлеуетін болжайды.
Палладий техникалық қолдау деңгейі орналасқан $920-дан жоғары тұруға тырысады. Ол бұзылған жағдайда $750 дейін төмендеу жалғасады.
Платнинаның бағасы, унция үшін $
Палладий бағасы, унция үшін $
Біздің фавориттер
Жалпы алтын мен күміске инвестициялар тартымды болып көрінеді. Федералдық резервтің мөлшерлемені төмендету цикліне көшуін күту, Құрама Штаттарда алдағы президент сайлауы, сақталып отырған геосаяси шиеленіс, сондай-ақ әлемдік ОБ тарапынан жоғары сұраныс — осы металдардың бағасын қолдаудың негізгі факторлары.
