2021 йил 24 сентябрь куни Ўзбекистон Республикаси Қонунчилик палатаси ялпи мажлисида “Интеллектуал мулк объектлари тўғрисидаги қонунчилик такомиллаштирилиши муносабати билан Ўзбекистон Республикасининг айрим қонун ҳужжатларига ўзгартиш ва қўшимчалар киритиш ҳақида”ги Ўзбекистон Республикаси Қонуни лойиҳаси депутатлар томонидан кўриб чиқилиб, иккинчи ва учинчи ўқишда қабул қилинди.
Муаллифлик ҳуқуқини муҳофазасини таъминлаш бугунги кунда жаҳонннинг кўплаб мамлакатларида долзарб аҳамиятга эга. Айниқса, бу масала телекоммуникация тармоқларининг кенг тараққий этиши шароитида янада ўз аҳамияти ва долзарблилигини ошириши айни ҳақиқатдир.
Ўзбекистон Республикасида муаллифлик ҳуқуқи ва турдош ҳуқуқлар, улардан фойдаланиш, ҳуқуқий ҳимоя қилиш каби муносабатлар “Муаллифлик ҳуқуқи ва тудош ҳуқуқлар тўғрисида”ги Қонуни ва Фуқаролик кодекси бошқа қонун ҳужжатлари билан тартибга солинади.