Свидетельства Нового Завета
Матф. 6:11
хлеб наш насущный даждь нам днесь
«Понеже Христос есть хлеб наш, то сей хлеб да дастся нам, всегда просим мы, сущии во Христе и Евхаристии каждый день в пищу спасения себе приемлющии»; «Христос научил нас в Молитве просить в нынешнем веке хлеб насущный, т. е. будущий, которого начаток имамы в нынешней жизни, плоти Господней причащающеся». «Чрез хлеб насущный разумеваем есть Христос, хлеб духовный. Ибо повелевается нам просити ничтоже плотское, но вся Божественная. Сей хлеб есть начаток будущего хлеба, иже есть насущный. Насущный бо (ἑπιοὺσιος) являет или будущий, то есть грядущего века, или к соблюдению существа нашего приемлемый».
Матф. 22:2-3.
уподобися царствие небесное человеку царю, иже сотвори браки сыну своему и посла рабы своя призвати званныя на браки:
«Человеку царю подобится Бог; творит же брак Сыну Своему, совокупляя и обручая его всякой душе, благими делами украшенной. Жених есть Христос, невеста же Церковь, и душа чистая. Юнцы и хлебы Ветхий и Новый Завет; Ветхий означается чрез юнцы: живозакалаемые бо жертвы приношаху; Новый же хлебами: хлебы бо ныне приносим на жертву».
Установление Евхаристии.
Матф. 26: 26-28
ядущим же им, приемь Иисус хлеб и благословив преломи, и даяше учеником, и рече: приимите, ядите: сие есть тело мое. И прием чашу и хвалу воздав, даде им, глаголя: пийте от нея вси: сия бо есть кровь моя, новаго завета, яже за многия изливаема во оставление грехов.
Марк. 14: 22-24
И ядущим им, приемь Иисус хлеб, (и) благословив, преломи и даде им, и рече: приимите, ядите: сие есть тело мое. И приим чашу, хвалу воздав, даде им: и пиша от нея вси. И рече им: сия есть кровь моя новаго завета, за многи изливаема
Луки. 14: 16
человекъ некий сотвори вечерю велию, и зва многи
Человеком именуя человеколюбивого Своего Отца (Бога); понеже от человеколюбного смотрения приемлется притча, им же содействовав нас, общники нас сотворив плоти Сына Своего, человеком Его именовав. Вечерю же велику нарече смотренге Его сицевое, за величество Таинства спасения ради нашего».
Намерение I. Христа при установлении Евхаристии.
Луки. 22: 19-20
И приим хлеб, хвалу воздав преломи, и даде им, глаголя: сие есть тело мое, еже за вы даемо: сие творите в мое воспоминание. Такожде же и чашу по вечери, глаголя: сия чаша новый завет моею кровию, яже за вы проливается
Иоанн 6:32-35
Рече убо им Иисус: аминь, аминь глаголю вам, не Моисей даде вам хлеб с небесе, но Отец мой дает вам хлеб истинный съ небесе: хлеб бо божий есть сходяй с небесе и даяй живот миру. Реша убо к нему: Господи, всегда даждь нам хлеб сей. Рече же им Иисус: аз есмь хлеб животный: грядый ко мне не имать взалкатися, и веруяй в мя не имать вжаждатися никогдаже.
Иоанн 6:48-58 Аз есмь хлеб животный: отцы ваши ядоша манну в пустыни, и умроша: сей есть хлеб сходяй с небесе, да, аще кто от него яст, не умрет: аз есмь хлеб животный, иже сшедый с небесе: аще кто снесть от хлеба сего, живъ будет во веки: и хлеб, егоже аз дам, плоть моя есть, юже аз дам за живот мира. Пряхуся же между собою жидове, глаголюще: како может сей нам дати плоть (свою) ясти? Рече же им Иисус: аминь, аминь глаголю вам: аще не снесте плоти сына человеческаго, ни пиете крове его, живота не имате в себе. Ядый мою плоть и пияй мою кровь имать живот вечный, и аз воскрешу его в последний день. плоть бо моя истинно есть брашно, и кровь моя истинно есть пиво. Ядый мою плоть и пияй мою кровь во мне пребывает, и аз в нем. якоже посла мя живый отец, и аз живу отца ради: и ядый мя, и той жив будетъ мене ради. — ядый хлеб сей жив будет во веки.
Бл. Феофилакт в Толковании на сии слова: «Явленно здесь о таинственном причащении тела Своего рече. Внимай же разумно, яко хлеб в Тайнах, от нас ядомый, не образ есть Господни плоти, но самая плоть Господня... Зде навыкаем величества Тайны причащения! ядый бо и пияй плоть Господню и кровь, в Самом пребывает Господе, и Бог в нем. Един ломяще хлеб, иже есть врачевство беcсмертия».
Иоанн 19:34
един от воин копием ребра ему прободе, и абие изыде кровь и вода.
«Изыде кровь и вода: не просто, ни якоже случися, изыдоша сии два источника, но понеже из обоих Церковь составися. Ведят наученные Таинствам, водою возраждаемые, кровию же и плотию питаемые. Отселе начало приемлют Таинства. Един от воинов копием разверз Ему ребра, и из ребр Его истекла кровь и вода. Для чего вода? для чего кровь? Вода да очистит (крещением), кровь да искупит (причащением)».
Деян. 2:42
бяху же терпяще во учении апостол и во общении и в преломлении хлеба и в молитвах.
«Не слышал ли еси, како три тысящи оныя, общения наслаждающияся всегда быша пребывающа во учении»? Здесь чрез общение Св. Златоуст разумеет Причащение Святых Таин.
1 Коринф. 5:7
ибо пасха наша за ны пожрен бысть Христос.
«Вопросил бы я их с удовольствием, что́ есть Пасха, что есть Четыредесятница? И что иудейская (Пасха), что же наша? И чего ради оная единожды во весь год бывает, сия же в каждое собрание (литургия) совершается?.. Четыредесятница единожды в лето бывает: Пасха же трижды в неделю, а иногда четырежды, или паче, коликратно восхощем... Всегда Пасха есть; весте таинники (верные) глаголемое: и в пяток и в субботу, и в день Господский (воскресный) и в день мучеников таяж жертва совершается».
1 Коринф. 10:16-17, 21
чаша благословения, юже благословляем, не общение ли крове Христовы есть? хлеб, егоже ломим, не общение ли тела Христова есть? яко един хлеб, едино тело есмы мнози: вси бо от единаго хлеба причащаемся. Не можете чашу Господню пити и чашу бесовскую: не можете трапезе Господней причащатися и трапезе бесовстей.
1 Коринф. 11:23-29
Аз бо приях от Господа, еже и предах вам, яко Господь Иисус в нощь, въ нюже предан бываше, приемь хлеб, и благодарив преломи, и рече: приимите, ядите, сие есть тело мое, еже за вы ломимое: сие творите в мое воспоминание. Такожде и чашу по вечери, глаголя: сия чаша новый завет есть в моей крови: сие творите, елижды аще пиете, в мое воспоминание. Елижды бо аще ясте хлеб сей и чашу сию пиете, смерть господню возвещаете, дондеже приидет. Темже иже аще яст хлеб сей или пиет чашу Господню недостойне, повинен будетъ телу и крови Господни. Да искушает же человек себе, и тако от хлеба да яст и от чаши да пиет. Ядый бо и пияй недостойне, суд себе яст и пиет, не разсуждая тела Господня.
Евреям. 13, 10
Имамы (же) олтарь, от негоже не имутъ власти ясти служащии сени.
«Того ради хощет (Бог), дабы мы возносили дар ко алтарю выну без отпущения». И выше в той же главе: «Иудеи же не возносят: не прияша бо Слово, еже возносится. Сей (Олтарь) древнего много честнее; оный бо сего есть сень. Оный приемлет бессловесныя жертвы, сей же словесную и Божественную ».
Апокалипсис 2, 17
побеждающему дам ясти от манны сокровенныя
19, 7, 9 радуимся и веселимся, и дадим славу ему: яко прииде брак Агнчий, и жена его уготовила есть себе. - - глагола ми: напиши: блажени званнии на вечерю брака Агнча.
«Кто между вами одержит победу, тот напитаем будет духовною Манною, небесною оною снедию, которую Христос, пришедый в мир, даровал 1) откровением истин ко спасению принадлежащих, и Божиих о человеках советов; 2) благодатию и дарами Духа Святого; наконец 3) причащением Тела Своего и Крови в Евхаристии и 4) обетованием утешений и радостей небесных. Все сии (блага) сокровенная оная Манна в себе содержит. Ибо есть сокровенна от плотских Иудеев; известна же единым только верным, подвизающимся в беcпрестанной борьбе с плотию, миром, диаволом и заблуждениями».
Источник: Иван Иванович Дмитревский
Историческое, догматическое и таинственное изъяснение Божественной Литургии
Прошлые рассылки этой тематики:
Историческое, догматическое и таинственное изъяснение Божественной Литургии.
- I. О необходимости и древности жертвоприношения
- II. О предании жертв законных и упразднении их.
- III. Об установлении единой, вместо всех, жертвы Иисуса Христа
- IV. Жертва Иисуса Христа в Евхаристии будет приноситься до скончания века.
- V. Евхаристия заключает в себе все части, все принадлежности жертв древних.
- VI. Евхаристия содержит в себе все виды древних жертвоприношений.
- VII. Все действия и обряды Евхаристии, или Литургии, имеют смысл двоякий: Исторический и Таинственный.