Халқ таълими вазири жорий йилда биринчи синфга қабул пулли бўлмаслигини маълум қилди

YANGIYER June 19, 2019

Фото: «Xabar.uz»

Халқ таълими вазири Шерзод Шерматов катта муҳокамага сабаб бўлаётган мактабларга қабулнинг пуллик бўлиши ҳақида ёзди. Бу хақида Xabar.uz хабар бермоқда.

«Президентимиз Тошкент шаҳридаги мактаблар аҳволини яхшилаш учун бу йил қўшимча 400 млрд сўм ва кейинги йил яна шунча ажратиш бўйича топшириқ бердилар. Ундан аввал Сергелида янги қурилаётган даҳаларда 4 та янги 1580 ўринли мактабларни қуриш бўйича 100 млрд сўм қўшимча ажратилиб, қурилиш ишлари бошлаб юборилган эди.

Яъни 2019 йилни ўзида қўшимча 500 млрд. сўм. Бу дегани 1 йилни ўзида охирги 5 йилда Инвестиция дастурлари доирасида ажратилган миқдордан деярли 2 маротаба кўп қўшимча маблағ ажратилаяпти! (рақамлардаги фарқни осонроқ тушуниш учун графикка қаранг).

Ўзи Президентимиз Шавкат Миромоновичдан аввалги даврни таҳлил қилсак, Тошкентда мактаблар асосан ёпилган экан. Сабаби асосий эътибор коллежларга бўлган. Шу вақтгача 23 та мактаб ёпилиб, бошқа ташкилотларга бериб юборилганини аниқладик. Шунинг учун, ҳозир Тошкентда мактаблар учун ҳеч нарса қилинмаяпти деб жар солувчилар, бироз ёлғон гапиришдан ор қилсалар яхши бўларди...

Тошкентдаги 81 та мактабнинг биринчи синфига қабул жараёнининг янги тизимини жорий этишнинг ижобий тарафлари қолиб, баъзилар «қабул пуллик бўлди» деб нотўғри талқинга ўтиб кетди. Натижада, «ҳукумат мактабларга пул ажратмаяпти», «аҳолидан пул йиғишга ўтиб кетилаяпти» ва ҳ.к. каби нотўғри изоҳлар кўпайиб кетганига ушбу масалага бироз ойдинлик киритиб қўйишни мақсадга мувофиқ деб ўйладим.

Биринчидан, Учтепа туманидаги 50 йилдан бери капитал таъмир қилинмаган, қувватидан деярли 3 баробар кўп ўқувчи ўқиётган мактабга Президентимиз ташриф буюрганларидан кейин Тошкент шаҳридаги мактабларни аҳволини тубдан яхшилаш бўйича топшириқ берган эдилар. Натижада, шу икки йил давомида Тошкент шаҳридаги мактаблар аҳволини яхшилаш учун қўшимча 800 млрд. ажратиладиган бўлди. Ҳозир тегишли қарор лойиҳаси тайёрланаяпти. Ўзбекистон мустақилликка эришгандан бери, бу биринчи маротаба Тошкентдаги мактабларга шунча катта миқдордаги қўшимча маблағ ажратилиши. Натижада бошқа мактаблардаги моддий техник аҳвол ҳам анчагина яхшиланиши кутилаяпти. Бу аҳолиси ўсиб бораётган пойтахтимиз учун жуда керак. (янги тизим ва танқид асосан Тошкент шаҳрига боғлиқ бўлганига фақат Тошкент шаҳридаги маблағларни ёздим, бошқа ҳудудларда ҳам анчагина қўшимча маблағлар ажратилмоқда).

Иккинчидан, «престижный» деб шу пайтгача айтилаётган мактабларда таълим сифати зўр дегани эмас. Синфда 40-50 нафар ўқувчи бўлса, уларни орасида таълим тилини билмайдиганлари тушунмай ўтирса қандай сифат бўлсин?

Оддий мисол, яқинда ўтказилган республика олимпиадаси ғолибларининг атиги 9 фоизи ушбу мактабларга тўғри келаяпти (22 нафар ғолибдан 2 таси ушбу мактабларда ўқиган), ваҳоланки Тошкентдаги ўқувчиларнинг деярли 43,4 фоизи шу мактабларга тўғри келади (аслида 81 та мактаб Тошкентдаги мактаблар сонининг атиги 26 фоизини ташкил этади, яъни шаҳарнинг 26 фоиз мактабида 43 фоиз ўқувчи ўқияпти!) Шунга бошқа мактабларда таълим сифати ёмон деган иддао умуман ҳақиқатга тўғри келмайди. Ишлаб чиқилаётган таълим сифатини объектив баҳолаш бўйича янги тизим жорий этилсагина қайси мактабда таълим сифати юқори эканлиги аниқ бўлади.

Учинчидан, қарор чиққани билан уни ижро механизмлари, тегишли дастурий маҳсулотларни ишлаб чиқишга ва уни тўғри ишлашини текширишга, айниқса тўлов билан боғлиқ тизимларга, қанчадир вақт кетади, шунга ҳозир фақат бепул қабул амалга оширилади.

Шунинг учун айни пайтда мактабларга пуллик қабул ҳақида ҳеч қандай гап йўқ! Шу сабабли ортиқча эҳтиросга берилмасликни, «престижный» мактабга болангизни жойлаштириш учун таниш-билиш ёки пул қидирмасликни тавсия этаман.

Бирон бир тушунмовчилик бўлса, уни мактаб маъмурияти ёки туман таълим бўлими вакиллари билан маслаҳатлашиб ҳал қилишга ҳаракат қилган маъқул, интернет орқали турли хил хайпларга берилмасдан» деб ёзган вазир.

June 19, 2019
by Admin
0
4

“Ёш китобхон” Республика кўрик танловининг 10-14 ёш тоифаси бўйича Сардоба туман босқичи ғолиблари аниқланди

YANGIYER June 18, 2019

Фото: Ўзбекистон ёшлар иттифоқи Сардоба туман кенгаши
Фото: Ўзбекистон ёшлар иттифоқи Сардоба туман кенгаши
Фото: Ўзбекистон ёшлар иттифоқи Сардоба туман кенгаши
Фото: Ўзбекистон ёшлар иттифоқи Сардоба туман кенгаши

Жорий йилнинг 17 июн куни “Ёш китобхон” кўрик танловининг 10-14 ёш тоифаси бўйича Сардоба туман босқичи бўлиб ўтди. Танловнинг туман босқичида танловнинг саралаш босқичида 86 ва ундан юқори бал тўплаган ёшлар иштирок этишди. Танлов жараёнини кузатиб шунга амин бўлдимки ёшлар орасида китоб ўқишга бўлган қизиқиш йилдан йилга ортиб бормоқда. Танловнинг шартларига ўқувчиларнинг пухта тайёргарлиги, уларнинг фикрлаш доирасининг кенглиги бунга яққол мисол бўлаолади. Ўқувчиларнинг пухта тайёргарлиги туфайли танлов жуда қизиқарли ва сермазмун ўтди. Танлов якунларига кўра барча шартларида ўзининг яқол устунлигини кўрсата олган “Ёш китобхон” Республика кўрик танловининг 2018 йилги мавсумида Республика босқичида вилоятимиз шанини ҳимоя қилган Сардоба туман Халқ таълими бўлимига қарашли 4-умумтаълим мактабининг 7-синф ўқувчиси Собиржонова Матлуба Рустамжон қизи танлов ғолиби деб топилди ва танловнинг вилоят босқичида иштирок этиш ҳуқуқини қўлга киритди.

Ўзбекистон ёшлар иттифоқи Сардоба туман кенгаши

YANGIYER CREATOR B_ISLOMNUR

June 18, 2019
by Admin
0
1

Арзон уй-жойлар бўйича ягона электрон маълумотлар базаси жорий қилинади

YANGIYER ~ June 18, 2019

Фото: "Халқ Сўзи Online"

“Ўзшаҳар қурилиш инвест” инжиниринг компанияси томонидан арзон уй-жойлар бўйича ягона электрон маълумотлар базаси лойиҳаси ишлаб чиқилди. Бу ҳақда компания томонидан ташкил ээтилган “Арзон уй-жойлар халқ фаровонлиги йўлида: таҳлил, муаммо ва ечим” мавзусидаги республика семинарида айтиб ўтилди. Бу хақида "Халқ Сўзи Online" хабар бермоқда.

Хўш, бу лойиҳа нимаси билан эътиборга молик? Гап шундаки, мазкур лойиҳа дастур амалиётга татбиқ этилгач, давлат дастури асосида республика миқёсида қуриладиган уй-жойларнинг мавзелари, уларнинг сони ва нархлари, бошланғич бадал ҳамда ажратиладиган ипотека кредити ҳақидаги маълумотлар, шунингдек, уй-жойларга бириктирилган фуқаролар ҳақидаги маълумотлар, уларнинг уй-жойга муҳтожлиги сабаблари ҳақидаги тўлиқ маълумотлар онлайн тартибда ягона электрон базада шакллантирилади. Натижада соҳада қонунбузилиш ҳолатлари, уй-жойларнинг нархлари бўйича келишмовчиликлар ва ҳужжат ишлари билан боғлиқ ортиқча оворагарчиликларнинг олди олинади ҳамда шаффоф тизим яратилади.

Шунингдек, анжуманда қурилиш – монтаж ишлари давомида лойиҳа – смета ҳужжатларига киритиладиган ўзгартиришлар, кўп қаватли уйларда лифт қурилмалари ўрнатилиш тартиби, аҳолига уй-жойларни расмийлаштириш бўйича 2018 йил дастурига мувофиқ амалга оширилган ишлар ва 2019 йилдаги мақсад ва вазифалар муҳокама этилди.

Семинарда республикамизнинг барча вилоятларидан келган қурилишда техник назоратни амалга ошириш бўйича мутахассислар ўзаро тажриба алмашишди ҳамда пойтахтимизнинг Сергели туманида бунёд этилаётган арзон уй-жойлар қурилиши билан яқиндан танишишди. Хусусан, мутахассислар эксперимент тариқасида 2019 йил қурилиш дастури доирасида барпо этилаётган 80 хонадондан иборат 16 қаватли қуйма темир-бетон типидаги тураржой биносини кўздан кечирдилар. Ушбу тураржой лойиҳаси зилзила бардошлилик даражаси юқори бўлиб, жаҳон стандартларига тўла жавоб беради. Бу типдаги баланд қаватли турар-жой биноси Андижон шаҳрида ҳам бунёд этилмоқда.

Маълумот ўринда айтиб ўтиш жоизки, жорий йилда “Ўзшаҳар қурилиш инвест” инжиниринг компанияси томонидан белгиланган дастур асосида республикамиз бўйича 355 та замонавий кўп қаватли арзон тураржой бинолари қурилаётган бўлса, шундан 170 таси пойтахтимизда қад ростлайди.

YANGIYER CREATOR B_Islomnur

June 18, 2019
by Admin
0
2

Ўзбекистонда биринчи бор халқаро робототехника мусобақаси бўлиб ўтади



Ўзбекистон Республикаси Инновацион ривожланиш вазирлиги «INNOWEEK» инновацион ғоялар ҳафталиги доирасида 23-26-октябрь кунлари биринчи бор Халқаро робототехника мусобақаси «International Robotics Challange»ни (IRC) ўтказади. Мазкур мусобақа «Ўзекспомарказ» кўргазмалар мажмуасида бўлиб ўтади.

Мусобақада 2 хил ёш категориялари: 16 ёшгача (U16) ва 16 ёшдан ката (16+) мавжуд бўлиб, ҳар бир ёш категориясида бир нечта йўналишлар мавжуд.

U16 ёш категориясидаги мусобақалар йўналишлари:

- Lego sumo

- Lego short track

- Arduino sumo

- Маҳаллий конструктор ёрдамида ўтказиладиган мусобақа.

16+ ёш категориясидаги мусобақалар йўналишлари:

- Arduino sumo

- Маҳаллий конструктор ёрдамида ўтказиладиган мусобақа.

IRC барча қатнашчилар учун очиқ. Ҳар бир мусобақада қатнашувчи жамоалар сони чекланган. Рўйҳатдан ўтган жамоалар экспертлар гуруҳи томонидан саралаб олинади. Ҳар бир жамоада энг кўпи билан 3 нафар аъзо бўлиши мумкин ва улар ўз ёш категориясидаги барча мусобақаларда қатнашишлари мумкин.

Мусобақа қатнашиш истагида бўлганлар www.innoweek.uz сайти орқали рўйҳатдан ўтишлари мумкин.


O'zLiDeP "OA24" matbuot xizmati⤵️

October 11, 2018
by Admin
0
9

Порошенко Душанбеда ўтказиладиган МДҲ саммитига таклиф этилди


 19.09.2018 10:00   

ONLINE AXBOROT 24 👈

Душанбе шаҳри

Фото: «РИА Новости»

Украина президенти Петр Порошенко МДҲ давлатлари раҳбарларининг Душанбе шаҳрида ўтказиладиган саммитига таклиф этилди, дея хабар беради «РИА Новости» ахборот агентлиги.

«Бу таклифга ҳали жавоб берилмади», – деган МДҲ Ижроия қўмитаси раҳбари Сергей Лебедев.

«У (Порошенко) саммитга таклиф қилинди. Шундай таклиф бор. Украинанинг бу ҳақда хабари бор. Лекин биз Украина раҳбарияти Душанбедаги саммитда иштирок этишдан бош тортиши мумкинлигини биламиз. Тажрибадан маълумки, жавоблар йиғилишдан бир кун олдин ўзгариб қолиши мумкин. Лекин биз кутамиз. Ҳозирча Киевдан саммитда иштирок этиш бўйича жавоб йўқ», – деган Лебедев журналистларга.

МДҲ Ижроия қўмитаси раиси шу йил 28 сентябрь куни Тожикистонда ўтказиладиган саммитда Украина кузатувчи бўлиб иштирок этишини мумкинлигини таҳмин қилган.

"OA24" matbuot xizmati

September 19, 2018
by Admin
0
9
Show more