1. Бұл түнде Алланың ризашылығы үшін ғибадат жасалып, намаз көбірек оқылу керек.
Сахаба Әнас ибн Мәлик {Алла оған разы болсын} былай деп айтқан: «Рамазан келгенде Алланың Елшісі (ﷺ): «Расында, сендерге бұл ай келді! Онда мың айдан да қайырлы бір түн бар. Сонда кім ол түні бейқамдық танытса, оның барлық игілігінен құр қалады. Ал оның барлық игілігінен тек нағыз мақрұм адам ғана айрылып қалады!» – деп айтты» [Ибн Мәжа 1/289].
Құран Кәрімге түсініктеме жазған мәшһүр ғалым Ибн Кәсир «қадір» сөзінің үш мағынасы бар екенін айтады:
«Біз оны (Құранды) Қадір түні түсірдік», – деп Алла Тағала бұл түннің мәртебесі Құран арқылы көтерілгендігін баяндайды. Араб тіліндегі «القدر» сөзі біздің «қадірлі, ұлы, беделді, мәртебелі» деген мағыналарды білдіреді. Сондай-ақ біздің сөздік қорымыздағы «тағдыр» сөзі де негізінен осы әріптерден алынған. Демек, бұл түні күллі жаратылыстың бір жылдық тағдыры жазылады.
Айша анамыз {Алла оған разы болсын} Пайғамбарымыздан {ﷺ}: