Благоговейные размышления при слушании литургии (продолжение).

Когда увидишь вход со Евангелием: поклонись с благоговением, созерцая в нем мысленно явление Самого Сына Божия, грядущего от небес озарить наши умы светом Своего Евангелия, и как бы самолично к Нему беседуя, молися:

Господи Иисусе Христе Боже, Единородный Сыне, сый в недре Отчи, Истинный Боже, Источниче жизни и безсмертия, Свет от Света, пришедый в мир просветити его; озари нашу мысль явлением Божественных словес Твоих, и приими нас, величие и благодарение Тебе приносящих о дивных Твоих от века великодействиях, и о спасительном Твоем в последния веки смотрении; в немже в немощное и нищее одеявся наше смешение, к рабиим мерам снизшел еси всех Царю. Сего ради Тебе поклоняемся и к Тебе припадаем, спаси нас Сыне Божий, воскресый из мертвых (или во Святых дивен сый, или иначе по приличию дня) поющия Ти: Аллилуия.

Потом слушай поемые, или читаемые по входе, в честь и похвалу настоящего дня, или празднуемого торжества, тропари.

Когда возгласит Священник: яко Свят еси Боже наш; молись Господу прилежно, чтоб сподобил и тебя воспеть славе Его, купно со Ангелами, трисвятое пение:

Господи Боже Вседержителю! приемляй от небесных сил трисвятую песнь, приими и от мене недостойного трисвятое сие пение, и даждь ми вся лета живота моего и на всякий час Тебе славу возсылати, Отцу, и Сыну и Св. Духу, и со страхом пети: Святый Боже, Святый крепкий, Святый безсмертный, помилуй нас.

Во время пения Прокимна пред чтением Апостола, возсылай моление ко Господу о благоплодном послушании Апостольских проповеданий:

Сподоби мя, Господи, достойно послушати Святых Твоих Апостол благовестия, благовествующих нам мир, и возвещающих благая: во откровении же словес их да просветится и вразумится дух мой Твоею благодатию.

Когда кадит Диакон пред Евангелием: то, как преподавание сего каждения есть таинственный знак благоухания наступающего чтения Евангелия, ты, обоняя благовоние его, с веселием и сладостию духа внутрь себя молися:

Яви ми, Господи, воню разума Святаго Евангелия Своего; да благоухает в моем сердце истинное Богопознание, и вознесет дух мой во всесожжение на алтарь небесный.

Чтение Евангелия слушай со вниманием и благоговением, наклонив главу свою долу, в знак покорения Богу, Евангельским гласом вещающему, прилагая к себе и обращая в свою пользу и наставление спасительное учение и дела Иисуса Христа, сколько может успеть в таком поучении твоя благорассудность.

По Евангелии благодари Господа, сподобившего тебя слышать глас Своего благовествования:

Слава Тебе, Господи, слава Тебе! Слава в вышних Богу, и на земли мир, в человецех благоволение! Сказа Господь спасение Свое, пред языки откры правду Свою. Слава Тебе, Господи, Царю, Сыне Бога живаго, сподобивый мя недостойнаго Божественная Твоя словеса и глас Евангелия Твоего слышати: сим убо владычним Твоим гласом укрепи мя во обращении и покаянии, настоящия жизни сея прейти нощь, от всякаго избавляя мя навета и злобы видимых и невидимых враг: Ты бо еси един Сильный и Царствуяй во веки, Аминь.

На сугубой Ектении: рцем вси:

Яви нам, Господи, милость Твою, и спасение Твое даждь нам.

На возглашения: Господи Вседержителю, и: помилуй нас Боже:

Милостиве помилуй, помилуй, помилуй нас, Господи.

На возглашения: о Благочестивейшем, о Святейшем и проч. теже повторяй молитвы, какие и на великой Ектении.

О братиях наших:

Священницы Твои, Господи, да облекутся в правду, и преподобнии Твои да возрадуются.

О блаженных и приснопамятных:

Помяни, Господи, в надежде воскресения жизни вечныя, усопшия отцы и братию нашу, и всех во благочестии и вере скончавшихся, и прости им всякое согрешение, и всели их, идеже присещает свет лица Твоего.

О плодоносящих:

Помяни, Господи, благотворящих сему храму Твоему от имений своих; воздаждь им вместо временных вечными Твоими благами: труждающимся со тщанием и страхом Божиим в трудах помощь Твою и спасение даруй: возглашающим хвалы и исповедания имени Твоему сподоби сопричтенным быти к лику поющих пред Твоим престолом песнь нову: всем предстоящим нам и ожидающим от Тебе великия и богатыя милости буди, Владыко, многомилостив и благопослушлив, и даждь нам прошения сердец наших на пользу.

На возглас: яко милостив и человеколюбец Бог:

Ты, Господи, благ и кроток и многомилостив всем призывающим Тя.

Во время молитв оглашенных, читай сие моление, все возглашения, на Ектении о них возсылаемой, содержащее:

Всемилостиве и щедрый Боже! услыши моления о оглашенных: отверзи очи, сердец их, да сподобятся прияти, яже око не виде, ухо не слыша и на сердце человеку не взыдоша: огласи их словом истины, насади в них страх Твой и утверди веру святую в помышлениях их: открой им Евангелие правды; даруй им ум божествен, целомудр помысл и добродетельное жительство, присно Твоя помышляти, Твоя мудрствовати, в Твоих поучатися, день и нощь в законе Твоем пребывати: изми их от всякого лукавого и безместного деяния, от всякого греха диавольского и всякого обстояния противолежащего: сподоби их во время благопотребно бани паки-бытия, оставления грехов, одежды нетления: благослови входы их и исходы, весь живот их, домы их и жилища, чада их возрастив благослови, и в меру возраста приведи умудри, и управи вся ими предложенная к полезному.

Когда возглашает Диакон: елицы оглашеннии изыдите! взойди в совесть свою и испытай, не учинился ли и ты своими делами недостойным предстояния при Литургии? И если в чем возчувствуешь ее зазрение, загладь грех свой тайным сокрушением сердца и исповеданием недостоинства своего пред Богом, твердо предположив во уме очистить себя покаянием, и со умилением молися:

Во святлостех Святых Твоих, како пребуду недостойный! аще бо дерзну к Тебе приступити, одежда мя обличает, яко несть брачна, и связан извержен буду от Ангелов: очисти, Господи, скверну души моея, и спаси мя, яко Человеколюбец.

Во время двукратного возсылания молитв верных, читай:

Боже великий и хвальный. Иже животворящею Христа Твоего смертию в нетление нас от тления преставивый! Ты вся наша чувства страстного умерщвления свободи, благого тем владыку, внутренний помысл приставив; и око убо да не приобщно будет всякого лукавого зрения; слух же словесем праздным не входен; язык же да очистится от глагол неподобных; очисти же наша устне, хвалящия Тя, Господи; руки наша сотвори, злых убо ошаятися деяний, действовати же точию Тебе благоугодная; вся наша уды и мысль Твоею утверждая благодатию.

Когда начнется Херувимская песнь: ты, предочищая себя к достойному, при наступающем великом Священнодействии Евхаристии присутствованию с Херувимами (с которыми мы таинственно единый составляем торжествующий лик), и возбуждая себя к сретению грядущего невидимо Господа, Ангельскими чиноначалиями дориносима, повторяй со вниманием онуюж песнь; а потом глаголи стих Вел. Субботы, содержащий высокое исповедание приближающегося таинства сего великого входа:

Да молчит всякая плоть человеча, и да стоит со страхом и трепетом, и ничто же земное в себе да помышляет: Царь бо царствующих и Господь господствующих приходит заклатися и датися в снедь верным: предходят же Сему лицы Ангельстии, со всяким началом и властию, многоочитии Херувими и шестокрылатии Серафими, лица закрывающие и вопиюще песнь: Аллилуиа!

После сего, для вящшего возбуждения в сердце благоговейнства и умиления, читай Псалом покаянный: помилуй мя Боже, по велицей милости Твоей, и другие умилительные стихи, какие можешь припомнить, например: помилуй нас, Господи, помилуй нас, и проч.

На каждении Фимиама читай онуюж молитву, какая означена пред начатием Литургии, и проси Господа принять в жертву смиренное твое сердце и дух сокрушен, при совершении великого таинства Евхаристии.

Во время великого входа, когда узришь Св. Дары, образующие Господа, грядущего к принесению Себя в жертву на алтаре церковном, потщись сретить Его благоговейным поклонением, и приветствуй:

Благословен грядый во имя Господне! Помяни мя, Господи, егда приидеши во Царствии Твоем; помяни мя, Владыко, егда приидеши во Царствии Твоем; помяни мя, Святый, егда приидеши во Царствии Твоем.

Когда же Священнослужители поминают во входе имена Высочайшей Фамилии, Церковной Иерархии и всех православных Христиан, проси и ты их тайно о воспоминании себя и других, кого хочешь, при возношении безкровной жертвы, повторяя многократно моление: помяни, Господи!

По вшествии в алтарь, когда Св. Дары поставляются на трапезе, приведи себе на память боголепное погребение Иисуса Христа, Которого вход великий есть образованием таинственным, читая благоговейно надгробный стих: Благообразный Иосиф, и потом молися:

Господи Боже мой, исходное пение и надгробную песнь Тебе воспою, погребением Твоим адова пленивый царствия, погреби моя душетленныя страсти и лукавая советования благими помыслы, и лукавствия духи разори.

На возглашения: исполним молитву нашу; и: о предложенных честных дарах, говори:

Приими, Господи, словесную сию и безкровную жертву в пренебесный мысленный Твой жертвенник, в воню благоухания духовного, и возниспосли нам благодать Пресвятого Твоего Духа.

Дне всего совершенна:

Сподоби, Господи, в день сей без греха сохранитися нам; соблюди нас во Твоей святыни, весь день поучатися правде Твоей. Даруй нам прочее настоящего дня и все время живота нашего мирное и безгрешное.

Ангела мирна

Ангелом своим заповеждь, сохранити нас во всех путех наших. Огради нас Святыми Твоими Ангелы: да ополчением их соблюдаеми и наставляеми, достигнем в соединение веры и в разум неприступныя Твоея Славы.

Прощения и оставления грехов:

Ослаби, остави, прости, Боже, прегрешения наша, вольная и невольная, и вся нам прости, яко благ и человеколюбец.

Добрых и полезных:

Посети мир Твой милостию и щедротами, и ниспосли на ны милости Твоя богатыя.

Прочее время живота нашего:

Даруй нам прочее скончати житие в покаянии и умилении и соблюдении Святых Твоих повелений. Даждь образ прежде конца покаятися Тебе.

Христианския кончины живота нашего:

Едине человеколюбче Спасе! прежде даже кончина приспеет, покаянием обратив, помилуй мя. Во втором Твоем и страшном пришествии, десным мя сопричти овцам, презрев моих прегрешений множество.

При возглашении: возлюбим друг друга; во-первых, с молением исповедуй свою любовь Господу, говоря трикраты: возлюблю Тя, Господи, крепосте моя; потом в уме своем проси у всех с Христианскою любовию прощения от чистого сердца во взаимных оскорблениях:

Отцы и братия, простите ми, еликими вас оскорбих во вся дни живота моего, словом, делом и помышлением и всеми моими чувствы: да единодушно в мире вси прославим Отца и Сына и Св. Духа, Троицу единосущную и нераздельную.

Когда Диакон возгласит: двери, двери! ты, возведши ум свой к Богу и как-бы пред самым Его Херувимским Престолом стоя, с благоговением произнеси, или слушай со вниманием исповедание Православныя Веры: верую во единого Бога Отца, и проч., а по окончании глаголи:

Утверди мя, Господи, во истинной сей вере, юже исповедав, и даруй мне до последнего дыхания пребыти в ней; по скончании же моем даждь ми получити часть на небеси, со исповедавшими имя Твое Святое на земли.

На восклицания: станем добре, и: милость мира:

Даждь ми, Господи, бодренным сердцем и трезвенною душею предстояти совершению страшного таинства, и возносити Тебе с миром жертву хваления.

Горе имеим сердца:

Сердце мое к Тебе, Слове, да возвысится, и да ничтоже усладит мя от мирских красот на слабость. Даждь ми, Господи, вся дольняя возненавидевши, горе к Тебе имети сердце, и достойно хвалити всесвятое имя Твое.

Благодарим Господа:

Воистинну достойно и праведно есть, Тебе пети. Тебе благословити, Тебе хвалити, Тебе благодарити, Тебе воспевати, славити и поклонятися Тебе, яко Творцу и Господу, всея твари видимыя и невидимыя Создателю, о всех, яже вемы и яже не вемы, явленных и неявленных благодеяниях, на нас бывших.

Потом читай тропари: благодарни суще недостойнии раби, и: Твоих благодеяний и даров, или благодарственный псалом 144. Вознесу Тя, Боже мой, Царю мой, и проч.

Победную песнь поюще:

Собор Святых Ангел и Архангел со всеми небесными силами трисвятыми песньми Тебе восхваляет: с сими блаженными силами и мы бренными устнами Тебе вопием: Свят, Свят, Свят Господь Саваоф, исполни небо и земля славы Твоея: осанна в вышних, благословен грядый во имя Господне, осанна в вышних!

При возглашениях: приидите, ядите, и: пийте от нея вси, выслушивая с благоговением сии Божественные глаголы, воспоминай купно со Священником благодарно послание в мир Сына Божия и таинственную вечерю, для спасения человеков установленную, и подтверждая веру свою, провозглашай: аминь! –

Верую, Господи, и исповедую, яко Ты еси воистинну Христос, Сын Бога живаго, пришедый в мир, грешныя спасти, от нихже первый есмь аз. – Молюся убо Тебе: помилуй мя, и прости ми прегрешения моя.

Когда возгласит Священник: Твоя от Твоих Тебе приносяще; ты, падши на землю пред Господом, с теплейшим духом молися:

Приими, Господи, словесную сию и бескровную жертву в пренебесный, мысленный Твой жертвенник, в воню благоухания духовного!

Потом со умилением и поклонами читай трикраты. Боже, очисти мя грешнаго, и: Господи, иже Пресвятаго Твоего Духа, со стихами; и: Царю небесный, Утешителю, и проч. При возглашении: изрядно о Пресвятей Пречистой, приветствуй Матерь Божию поздравлением Ангельским: Богородице Дево, радуйся, и: Молитвами Господи, Богородицы и всех Святых, Твой мир даждь нам и помилуй нас, яко един щедр.

Потом воспоминай усопших сродников твоих, благодетелей и всех Православных Христиан, читая о всех их моление, означенное на возглашении сугубой Ектении: о блаженных и приснопамятных отцех: помяни, Господи, в надежде воскресения жизни вечныя, и проч.

Помянув усопших, когда произнесет Иерей: в первых помяни, Господи: твори воспоминание о здравии и спасении живых: родителей твоих, благотворителей, ненавидящих и любящих, и всех Православных, заключая о них свое к Богу моление сими благожеланиями: Помяни нас, Господи, во благоволении людей Твоих; посети нас спасением Твоим, видети во благости избранныя Твоя, возвеселитися в веселии языка Твоего, хвалитися с достоянием Твоим.

На возглас: и даждь нам едиными усты:

Молимся Тебе, Господи, якоже во Твое славословие единыя уста и едино сердце, тако и един дух и едину душу даждь нам: да совокупльшеся союзом любве, возможем со дерзновением насладитися предлежащия трапезы, и будем достойны Божественных Таин, славяще и воспевающе всечестное и великолепое имя Твое, Отца и Сына и Св. Духа.

Потом в заключение всего канона Евхаристии, приглашай: аминь, аминь, аминь! При возглашениях Ектении: вся Святыя помянувше, читай моления теже, которые означены на Ектению: исполним молитву нашу.

Соединение веры и причастие Св. Духа:

Даруй всем нам достигнути в соединение веры и познание Сына Божия, в мужа совершенна, в меру возраста исполнения Христова, причастием Св. Твоего Духа.

По возгласе: и сподоби нас, Владыко, глаголи со благоговением и вниманием молитву Господню: Отче наш, иже еси на небесех, и проч.

Во время приклонения глав, молись внутрь себя ко Господу о своих нуждах, читая сие прошение:

Боже Вседержителю! услыши нас имени ради Твоего; и благослови приклонивших Тебе выи своя, и даждь нам прошения сердец наших на пользу, и да ни единого от нас отверженна сотворити от Царствия Твоего: но освяти нас, соблюди, покрый, заступи и избави от чуждого и всякого врага; домы наши сохрани, входы и исходы соблюди. Яко Тебе слава, хвала, велелепие, честь и поклонение, и единородному Сыну Твоему Иисусу Христу, Господу нашему и Богу и Царю, и Святому Духу, ныне и присно и во веки веков. Аминь.

Когда возглашается: Святая Святым, ты, пронесясь мысленно на Голгофу, к подножию креста Спасителя миру, таинственно тогда во Святых Дарах на крест возносящемуся и Кровь Свою на нем изливающему во очищение грехов всего мира, с благоговейным поклонением глаголи:

Вознесыйся на крест волею, щедроты Твоя даруй нам, Христе Боже: и освяти наши души и телеса Боготочною Кровию, из язв Твоих на кресте излиянною: яко Ты Един Свят, Един Господь, Иисус Христос, в славу Бога Отца, аминь.

При пении киноника, или причастна, читай со вниманием Псалмы, к духовному приобщению Св. Даров себя предуготовляя: Господь пасет мя, и ничтоже мя лишит: – Господня земля и исполнение ея; и: веровах, тем же возглаголах.

Когда показуются Св. Тайны, при возглашении: со страхом Божиим и верою приступите! падши ниц на землю, отдавай боголепное поклонение Самому Иисусу Христу во Св. Дарах, и приветствуя Его, грядущего водворитися в душах наших таинствами Своих страданий, глаголи:

Благословен грядый во имя Господне, Бог Господь и явися нам!

Потом, воспламенившись Божественным желанием духовного Причащения Тела и Крови Христовой, беседуй, как бы самолично, к Сыну Божию:

Имже образом желает елень на источники водныя, сице желает душа моя к Тебе, Боже! Возжада душа моя к Богу, крепкому, живому. Скорое и известное даждь утешение рабом Твоим Иисусе! Приближися нам, приближися везде Сый: и Тебе нам желающим соедини Себе, шедре; да соединени Святому Телу Твоему и Крови, имамы Тя, живуица в сердцах наших, и пребывающа со Отцем и Святым Твоим Духом.

На возглашение: всегда ныне и присно, поклонясь до земли показуемым тогда в последний раз Святым Дарам, яко Самому Господу, возносящемуся от земли на небо, сопровождай Его умным созерцанием в горния селения, с Пророком Ему восклицая: вознесися на небеса Боже, и по всей земли слава Твоя. Потом слушай, или читай возглашаемую тогда от лика песнь: да исполнятся уста наша хваления Твоего, Господи!

Во время благодарственной Ектении: прости: приимше, глаголи молитву сию:

Благодарим Тя, Господи, Боже наш, о причащении Святых, безсмертных и небесных Твоих Таин, ихже дал еси нам во благодеяние и освящение душ и телес наших: Сам, Владыко всех, даждь быти нам причастию Святаго Тела и Крове Христа Твоего в веру непостыдну, в любовь нелицемерну, в приумножение премудрости, в исцеление души и тела во отгнание всякого сопротивного, в снабдение заповедей Твоих, во ответ благоприятен на страшнем судищи Христа Твоего.

Потом слушай заамвонную молитву, а при пении: буди имя Господне, приглашай:

Благословение, и слава, и премудрость, и честь, и сила, и крепость Богу нашему во веки веков, аминь.

Когда, припав от Священника Антидор, как хлеб освященный, знаменующий великое исповедание нашего таинства, с благоговением его снедаешь, говори с благодарением к Богу.

Милостив и щедр Господь: пищу даде боящимся Его: очи всех на Тя уповают, и Ты даеши им пищу во благовремении; отверзаеши Ты руку Твою, и псполняеши всякое животно благоволения.

При возглашении Иереийском: благословение Господне на вас! вознеси ум твой к Богу, и проси от Него благословения, читая сию Псаломскую молитву:

Боже, ущедри ны, и благослови ны, просвети лице и Твое на ны, и помилуй ны. Благослови, ны Боже, Боже наш, благослови ны, Боже!

По выслушании отпуска приглашай:

Молитвами, Господи, Богородицы и всех Святых, Твой мир даждь нам, и помилую нас, яко един щедр.

Потом в заключение всех твоих молений, возсылай усердное приношение к Спасителю Христу и Пречистой Его Матери о благоприятном услышании твоих молитв и прошений:

О пресладкий и всещедрый Иисусе! приими ныне малое моление мое, якоже приял еси вдовицы два лепта.

Преславная Прпснодево, Мати Христа Бога, принеси нашу молитву Сыну Твоему и Богу нашему, да спасет Тобою души наша!

С таковым святым Богомыслием если выслушаешь Святую Литургию, благочестивый Христианин, вящшую получишь пользу, нежели как бы ты приобрел все богатства мира сего, или всю скоротекущую славу настоящего века. Ибо, как Священнодействие безкровныя жертвы пред Престолом Божиим столь многоценно, столь величественно, что и моления Святых, на небесах прославленных, не могут толико совершенной и столь богоприятной хвалы и славы составить, как Литургия, которая представляет на Престоле самосущественно, под видами хлеба и вина Самого Единородного Сына Божия Великого Архиерея, приносящего в жертву о всем мире Превечному Отцу Тело Свое и Кровь, и тем прославляющего Его безконечно-совершенным и величественным служением; в каковое таинство и самые чиноначалия безплотных воинств со страхом и удивлением приникнуть желают: то по таковому, толь великому ее преимуществу, и твои молитвы, соединенные с ее возношеием, обратятся тебе в могущественное средство обладания Самим Богом. Они послужат в твоих благопотребностях таинственным ключем к сердцу Божию и отверзут тебе все сокровища любви Божией; в сем уверяет нас непреложною истиною Своего глагола Сам Иисус Христос: «аминь, аминь глаголю вам: яко елика аще чесо просите от Отца во имя Мое, даст вам. Просите, и приимете, да радость ваша исполнена будет».

Не отлагай убо притекать ревностно к слушанию совершения ее, и чрез нее входить в благодатный союз и общение с Богом Спасителем твоим, участвовать во всех бесконечных благах Его искупления, быть вожделенным любви Его предметом, и чрез посредство таинственного причащения Тела Его и Крови, соделываться благоприятным селением Божества, по неложному Самого Его обещанию: «аще кто любит Мя, слово Мое соблюдет, и Отец Мой возлюбит его, и к нему приидем и обитель у него сотворим» Аминь.